Daxili İşlər Nazirliyi seçkilər zamanı etiraz aksiyalarının iştirakçılarına qarşı sərt tədbirlərin görüləcəyini bildirib
Daxili İşlər Nazirliyi seçkilər zamanı etiraz aksiyalarının iştirakçılarına qarşı sərt tədbirlərin görüləcəyini bildirib
Polis seçki ilə əlaqədar gücləndirilmiş iş rejimində işləyəcək. Qanunsuz aksiyaların, ictimai asayişin pozulması hallarının qarşısının alınması üçün bütün tədbirlər görüləcək. Bunu iyulun 10-da daxili işlər nazirinin müavini Oqtay Kərimov Mərkəzi Seçki Komissiyasında dairə seçki komissiyaları sədrləri üçün keçirilən müşavirədə deyib.
Nazir müavininin sözlərinə görə, seçki bitəndən sonra bülletenlər və seçki protokolları polisin müşayiətilə aparılacaq.
“Seçki məntəqələrində qanunu pozanlar cəzalandırılacaq", - öz növbəsində Mərkəzi Seçki Komissiyasının rəhbəri Məzahir Pənahov bildirib.
Qeyd edək ki, son illərdə hakimiyyət vətəndaş cəmiyyəti nümayəndələrinin, müxalifətin mitinq keçirmək niyyətilə bağlı müraciətlərinə imtina cavabı verir.
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz