Demokratik Azərbaycan Hərəkatı: Biz ölkəmizi xilas etməsək, sabah gec olacaq
Azərbaycan artıq 20-ci əsrin əvvəllərinin bolşevik qaydaları ilə idarə olunur. Bir qrup şəxsin hakimiyyət və sərvət hərisliyi Azərbaycan xalqının siyasi və iqtisadi blokadaya alınmasına gətirib çıxarıb. Bu barədə xarici ölkələrdə yaşayan azərbaycanlıların Demokratik Azərbaycan Hərəkatının bəyanatında deyilir.
Sənəddə bildirilir ki, bu günlərdə Müsavat Partiyasının başqanı İsa Qəmbərin müşaviri, Lənkəran şəhər sakini Yadigar Sadıqovun şərlənərək həbs edilməsi Azərbaycanda siyasi vəziyyətin hansı durumda olduğunu göstərir.
“Yadigar Sadıqovla yanaşı daha bir müxalifətçinin - AXCP Gənclər Komitəsinin fəalı Şahin Ağayevin polisə çağırılaraq onun da həbsinə cəhd göstərilməsi, gənc fəal Daşqın Məlikova saxta ittihamlarla 3 il həbs cəzasının istənilməsi və digər proseslər Azərbaycan hakimiyyətinin xalqa qarşı müharibəyə başladığını təsdiq edir”.
DAH hesab edir ki, Azərbaycan hakimiyyəti diktatura yolundan bir addım da geri çəkilmək istəmir.
“Lakin biz xalq olaraq öz vətənimizi və ölkəmizi, vətəndaşlarımızı və soydaşlarımızı xilas etməliyik. Bu üzdən bütün dünya azərbaycanlılarına müraciət edərək, Azərbaycanda prezident seçkiləri öncəsi başlamış bu repressiyalara qarşı birgə mübarizə aparmağa, yaşadıqları ölkələrdə Azərbaycan səfirliklərinin önündə aksiyalar keçirməyə, beynəlxalq təşkilatlarla birgə işləyib hakimiyyətə təzyiqlər göstərməyə çağırırıq. Unutmayın, bu gün biz ölkəmizi xilas etməsək, sabah gec olacaq. Ölkəmizin xilası məsuliyyəti bizim üzərimizə düşür”, deyə sənəddə vurğulanır. -03D-
-
- İqtisadiyyat
- 28 İyun 2013 17:06
-
- Siyasət
- 28 İyun 2013 18:02
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz