• contact.az Contact
  • Bakı
  • Light rain12.10 C
  • Şənbə, 9 Noyabr 2024
    • flag_EN
    • flag_RU

Son yenilənmə

(1 saat əvvəl)
VNXB ətrafına müttəfiqlərini yığmağa başlayıb
A- A A+
EN RU
Turan İnformasiya Agentliyi
Turan İnformasiya Agentliyi

VNXB ətrafına müttəfiqlərini yığmağa başlayıb

“Vətən Naminə Xalq Birliyi” (VNXB) və “Bakı-Dirçəliş” ictimai birliyi (BDİB) cümə günü BMM-də müttəfiqlik sazişi imzalayıblar.

 
    BDİB rəhbəri Abbasağa Məmmədli bu müttəfiqliyin təkcə prezident seçkiləri müddətilə məhdudlaşmadığını deyib. Seçkilər ölkədə demokratik dəyişikliklərə nail olmaq üçün fürsət kimi dəyərləndirilib. Narazılığın artıq hər cür ictimai hərəkatdan kənarda qalan qüvvələri belə hərəkətə gətirdiyi vurğulanıb. Belə halda xalqın seçkilərə təşkilatlanmış şəkildə getməsi üçün qüvvələrin birlyinə ehtiyacı olduğu vurğulanıb. Həm də bu birliyin seçkilərə təsiri olacaq qüvvə halına salınması xüsusi nəzərə çatdırılıb. Ölkədə məmur özbaşınalığının, korrupsiyanın, özəl sahibkarlığın sıradan çıxarılmasının fakt olduğu vurğulanıb. Bakıya məxsus aqrar sahibkarlığın, demək olar ki, məhv edildiyi iddia olunub. Ölkəni bu durumdan layiqli namizədə verilən səslərin xilas edəcəyi qeyd edilib.  
 
    VNXB-nin məqsədinin 10 illər öncəsi yaradılmış Bakı və Bakı Kəndlər Birliyini (B və BKB) sıradan çıxarmaq olması haqda şaiyələr yalanlanıb. Birliyin məqsədinin xalqın seçkidə kütləvi şəkildə iştirakına yadımçı olmaq olduğu deyilib.
 
    “Bizim məqsədimiz onsuz da parçalanmış xalqı parçalamaq yox, əksinə onları birliyə dəvət etməkdir və bunun üçün səy göstəririk”, - deyə VNXB-nin rəhbəri Hacı Əbdül Əbdüləliyev qeyd edib. Bu seçkilərdə BvəBKB-ni hərəkətə gətirmək üçün qurum rəhbərlərilə danışıqlar getməsinə diqqət çəkilib. Bundan əlavə, daha bir neçə qurumu birliyə cəlb etmək yönündə danışıqlar getdiyi bildirilib. Jurnalistlərin israrına baxmayaraq, natiqlər nəzərdə tutduqları layiqli namizədin və birliyə cəlb etmək üçün danışıqlar aparılan qurumların adlarını çəkməkdən imtina ediblər.  
 
    Amma Ə.Əbdüləliyev bu namizədin digər qüvvələrin də içində ola biləcəyi anonsu verib. Bundan əlavə, belə layiqli namizəd başqa qüvvələrin içində olmazsa, birliyin seçkiyə öz namizədilə qatıla biləcəyi istisna edilməyib.
 
    VNXB-nin yaradılmasında eks-prezident Ayaz Müətəllibovun rolu olması haqda xəbərlər təkzib edilib. Ə.Əbdüləliyev A.Müətllibovla şəxsi münasibətlərinin əvvəlki kimi qaldığını, amma siyasi baxışlarının fərlqi olduğunu deyib. A.Mütəllibovun bu seçkilərdə hansı namizədi dəstəkləməsinin qurum üçün qanun olmadığı, amma maraqlı olduğu ifadə edilib. “Ola bilər ki, hansısa namizədə münasibətdə A.Mütəllibovla maraqlarımız üst-üstə düşsün, ola bilər ki, fərlqi olsun, bu isə gələcəyin işidir”, - deyə Hacı Əbdül qeyd edib. -05C- 

Rəy yaz

Siyasət

Bizi sosial şəbəkələrdə izləyin

Xəbər lenti