![Deputatlar Əkrəm Əylislinin vətəndaşlıqdan məhrum olunmasını təklif ediblər](https://turan.az/resized/750/500/resize/media/2013/main/020100026826.jpg)
Deputatlar Əkrəm Əylislinin vətəndaşlıqdan məhrum olunmasını təklif ediblər
Bu gün Milli Məclisin yaz sessiyası başlayıb. Sessiyanın əvvəlində spiker Oqtay Əsədov Ştrasserin hesabatının əleyhinə iş apardıqlarına görə AŞPA-da Azərbaycan parlament nümayəndə heyətinin üzvlərinə təşəkkürünü bildirib. “Antiazərbaycançı qüvvələr siyasi məhbuslara dair məruzənin qəbul olunmasına nail ola bilmədilər. Bu, prezident İlham Əliyevin uğurlu siyasətinin nəticəsidir”, - o bildirib.
Spiker qeyd edib ki, yaz sessiyasında deputatlar Rəqabət Məcəlləsi, hərbçiləri statusu, silahlı və digər qruplaşmalar, reklam haqqında və başqa aktları müzakirə edərək qəbul etməlidirlər.
Deputat İqbal Ağazadə İsmayıllıda və “Binə” Ticarət Mərkəzində etirazlar məsələsini qaldırıb. Onun sözlərinə görə, hakimiyyət bu hadisələrin əsl səbəblərini anlamalı və araşdırmalı, sonra günahkarları məsuliyyətə cəlb etməlidir. “Əgər adamlar küçələrə çıxırsa, demək bunun səbəbləri var, bu, təqdim etmək istədikləri kimi adi xuliqanlıq deyil”, - o vurğulayıb.
Deputat İlyas İsmayılov gənclərin 12 yanvar etiraz aksiyasını təqdir edib. “Onlar öz əsgər yoldaşlarının müdafiəsinə qalxmalıdır. Bunu etməsəydilər pis olardı, onlar hakimiyyətə qarşı çıxmayıblar”, - o bildirib və təklif edib ki, ailənin tək oğullarının orduya çağırılmaması barədə qanun qəbul edilsin.
Sonra yazıçı Əkrəm Əylislinin “Daş yuxular” kitabı ətrafında qızğın mübahisələr başlayıb. Deputatlar yazıçını xəyanətdə ittiham ediblər. Deputat Əli Əhmədov Ə.Əylislinin “xalq yazıçısı” adından və dövlət mükafatlarından məhrum edilməsini təklif edib.
Nizami Cəfərov Ə.Əylislinin vətəndaşlıqdan məhrum edilməsini təklif edib: “Qoy, getsin Yerevana, hansısa kilsədə xidmət etsin”.
Deputatlar onun əsərlərinin Azərbaycanda dərcini qadağan etməyə çağırıblar.
Ə.Əylisliyə hücumda Qənirə Paşayeva, Zahid Oruc, Musa Qasımov da iştirak ediblər.
Vitse-spiker Bahar Muradova Ə.Əylislinin hərəkətini “satqınlıq” adlandırıb.
O.Əsədov çıxışlara yekun vuraraq Ə.Əylıslini qəhrəmanlaşdırmamağa çağırıb. Sonra spiker “Əylislini dəstəkləyənlərin mənşəyində şübhəli məqamların” olduğunu söyləyib. -04S-
-
- İqtisadiyyat
- 1 Fevral 2013 13:30
-
- İqtisadiyyat
- 1 Fevral 2013 13:47
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz