Diffamasiya zonası İnternetə doğru genişləndi

Milli Məclis bu gün Azərbaycan Cinayət Məcəlləsinə və İnzibati Xətalar Məcəlləsinə mürtəce düzəlişləri qəbul edib.

Xüsusən, CM-in 147 və 148-ci maddələrinə dəyişiklik edilib və bundan sonra böhtana və təhqirə görə KİV-lər üçün nəzərdə tutulan cinayət cəzası İnternetə də şamil ediləcək.

Belə ki, İnternetdə böhtan və təhqir 6 ayadək azadlıqdan məhrumetməyə səbəb ola bilər, ağır cinayətlərin törədilməsi haqqında böhtana görə isə 3 ilədək həbs cəzası kəsilə bilər.

İnzibati Xətalar Məcəlləsinə düzəlişlərə əsasən, inzibati həbs müddəti artırılıb. Belə ki, qanunsuz nümayişlərin təşkilinə görə maksimum cəza müddəti 15 gündən 60 günədək, polisə tabe olmamağa görə cəza isə 15 gündən 30 günə qədər artırılıb.

Kiçik oğurluq, nəqliyyat vasitəsinin vəsiqəsiz idarə olunması, sağlamlığa az ziyan vurulmasına səbəb olan sərxoş vəziyyətdə maşın sürülməsinə görə inzibati həbs müddəti 15 gündən bir aya qədər uzadılıb.

Avtoxuliqanlığa görə həbs müddəti 5-10 gündən 15-30 günə qədər artırılıb, bu, sağlamlığa yüngül xəsarət verilməsi ilə nəticələnən YNH-yə səbəb olduqda isə həbs müddəti 30-60 gün təşkil edə bilər.

Məhkəmə icraçılarının tələblərinə tabe olmamağa görə həbs müddəti 10 gündən 1 aya qədər artırılıb.

Düzəlişlərin təşəbbüskarı Azərbaycan Baş Prokurorluğudur.

Qeyd edək ki, ATƏT, Avropa Şurası və digər beynəlxalq təşkilatlar uzun müddət Bakını böhtana görə cinayət məsuliyyətini ləğv etməyə çalışıb, lakin Azərbaycan hakimiyyəti yalnız cəzanı sərtləşdirir. -06D-

 

Rəy yaz

Siyasət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti