DİN Azərbaycanın şimalında keçirilmiş �Sərhəd� əməliyyatının yekunları barədə

Bakı/13.06.19/Turan: Azərbaycan və Rusiyanın hüquq-mühafizə orqanları iyunun 3-10-da "Sərhəd" şərti adı altında birgə kompleks əməliyyat-axtarış və profilaktik tədbirlər keçiriblər.

Azərbaycan DİN mətbuat xidmətinin məlumatına görə, əməliyyatda məqsəd transmilli mütəşəkkil cinayətkar dəstələrin ifşa edilərək zərərsizləşdirilməsi, narkotik vasitələrin və silahların qanunsuz dövriyyəsinin aşkar edilməsi, qanunsuz maliyyə və maddi vəsaitlərin daxilolma kanallarının müəyyənləşdirilib qarşısının alınması olub.

RF Dağıstan Respublikasının sərhədyanı bölgələrində, həmçinin Azərbaycanın Qusar, Quba, Xaçmaz, Zaqatala, Şəki, Balakən, Qəbələ, Qax və Oğuz rayonlarında əməliyyat tədbirləri zamanı axtarışda olan 31 nəfər, o cümlədən RF tərəfindən axtarılan 16 nəfər tutulub.

Həmçinin itkin düşmüş hesab olunan 6 nəfər tapılıb. Bundan əlavə, dövlətə borcu olduğuna görə axtarılan 63 nəfər saxlanılıb.

Qanunsuz saxlanılan 8 avtomat silah, 2 qumbaraatan, 1 pulemyot, 6 tapança, 100 tüfəng, 37 qumbara, 36 ədəd silah sandıqçası, 23 qumbara alışdırıcısı, 15 ədəd müxtəlif hərbi ləvazimat və sursat, 7716 ədəd müxtəlif çaplı patron aşkar edilərək götürülüb.

Narkotik maddələrlə əlaqədar 13 fakt aşkar olunub. Ümumi çəkisi 5 min tona yaxın 10753 ədəd çətənə kolu məhv edilib.

Belə birgə kompleks əməliyyat-axtarış tədbirlərinin gələcəkdə də keçirilməsi planlaşdırılır, məlumatda deyilir.16D-

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti