DİN həbsdə olan hüquq müdafiəçisinin anasının ölkədən çıxışına qoyulmuş qadağanı ləğv edib
Daxili İşlər Nazirliyi tərəfindən "Müdafiə Xətti" hüquq-müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qoyulan qadağa ləğv edilib. Bu gün o, ağır xəstə olan həyat yoldaşı Eldar Sabiroğlu ilə birlikdə Türkiyəyə yola düşüb.
"Biz artıq İstanbuldayıq, müayinə üçün xəstəxanaya getməyə hazırlaşırıq", deyə Tahirqızı Turan-a bildirib.
Yanvarın 5-də Tahirqızına oğlunun işi üzrə istintaqla əlaqədar ölkədən çıxa bilməyəcəyi bildirilmişdi.
Rüfət Səfərov dekabrın 3-də saxlanılıb. Ona qarşı CM-in 178.3.2 (dələduzluq, külli miqdarda ziyan vurmaqla törədildikdə), 221.1 (xuliqanlıq) və 127.2.3-cü (qəsdən sağlamlığa az ağır zərər vurma, ümumi təhlükəli üsulla və ya xuliqanlıq niyyəti ilə törədildikdə) maddələri ilə ittiham irəli sürülüb. Növbəti gün məhkəmə onu 4 ay müddətinə həbs edib.
Siyasət
-
Hüquq Müdafiə Təşkilatları Monitorinq Qrupunun üzvləri Novella Cəfəroğlu, Səidə Qocamanlı və Səadət Bənanyarlı Jurnalist Şahnaz Bəylərqızının səhhətində mövcüd olan problemlər ilə bağlı narahatlıq bildirərək ,Azərbaycan Respublikasının Prezidenti İlham Əliyevə müraciət edib.
-
Cümə günü, fevralın 7-də Aktauda 25 dekabr 2024-cü il tarixində Azerbaijan Airlines-ın (AZAL) təyyarə qəzasında həlak olanların xatirəsinə həsr olunmuş anım mərasimi keçirilib, xəbəri Tengrinews.kz yayıb.
-
Fevralın 7-də Bakı Apellyasiya Məhkəməsində ictimai fəal Cəlal Cavadovun inzibati qaydada həbsindən verilmiş şikayətə baxılıb.
-
Fevralın 7-də Bakı Məhkəmə Kompleksində Qarabağ separatmılarının liderlərinin işi üzrə proses dava etdirilib. İclasda ittiham aktının oxunması davam etdirilib.
Rəy yaz