Müsavat Partiyasının sədri Arif Hacılı bu gün DİN-in Mütəşəkkil Cinayətkarlığa qarşı Mübarizə Baş İdarəsinə çağırılıb.
Hacılının Turan-a verdiyi məlumata görə, onunla ölkədə dini radikalizmin artması, bu qüvvələrin xaricdən maliyyələşməsi mövzusunda söhbət aparılıb.
Hacılının sözlərinə görə, polis nümayəndələri rayonlarda strukturları olan Müsavat Partiyasının radikalizmə qarşı mübarizə aparmalı olduğunu deyiblər.
“Mən öz növbəmdə qeyd etdim ki, biz partiya olaraq öz proqramımız və nizamnaməz əsasında fəaliyyət göstəririk və bu cür qüvvələri tanımırıq və onlarla əməkdaşlıq etmirik”, deyə Hacılı bildirib.
Hacılı qeyd edib ki, onunla konkret olaraq Nardaran hadisələri haqqında danışmayıblar. Bununla belə, o, bəzi həbs edilmiş şəxslərə qarşı ədalətsiz davranışa yol verildiyini qeyd edib. Amma polis Hacılı ilə razılaşmayıb.
Xatırladaq ki, bu gün AXCP sədr müavinləri Gözəl Bayramlı və Nurəddin Məmmədli, rejissor Eldəniz Quliyev və hüquqi müdafiəçisi Oqtay Gülalıyev də MCMBİ-yə çağırılıb. -05D06-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz