Dövlət başçısı məmurları özü kimi təvazökar olmağa çağırıb

 Prezident İlham Əliyev məmurları təvazökar olmağa, vətəndaşlara hörmətlə yanaşmağa çağırıb. “Azərbaycan vətəndaşına hər yerdə hörmət olmalıdır, dövlət qurumları tərəfindən normal rəftar edilməlidir, təhqiq edilməlidir, incidilməməlidir”, - dövlət başçısı vurğulayıb. 

“Hər bir icra başçısını mən vəzifəyə təyin edərkən, onu qəbul edərkən ona bir neçə əsas istiqaməti göstərirəm: inkişaf, quruculuq, səmərəli iş, təvazökarlıq və insanlara xidmət! .  Bəzi hallarda məmurlar vətəndaşlara yuxarıdan aşağı baxırlar, onları saymırlar, onları təhqir edirlər, qudurğanlıq edirlər. Bütün bu hallar var, bunlar aradan götürülməlidir”, - o xəbərdarlıq edib. 

Prezidentin sözlərinə görə, bəzi hallarda məmurlar özlərini təvazökar  aparmırlar. “Özləri üçün böyük məclislər, təmtəraqlı toylar, yubileylər düzəldirlər. Yaraşırmı bu, dövlət məmuruna?, - o qeyd edib.

Sonra o deyib ki, özünün 50 illik yubileyini Ağcabədi rayonunda məcburi köçkünlərlə birlikdə keçirib. “Təmtəraqlı toylar, ad günləri, yubileylər, bahalı hədiyyələr. Bunu yığışdırın, bəsdirin! Kim bunu edir, kimi mən nəzərdə tuturam bilir. Bu, həm yerli icra orqanlarına, həm də mərkəzi icra orqanlarının rəhbərlərinə aiddir”, - dövlət başçısı bildirib.06D-