Dövlət başçısı şəhid ailələrinə kompensasiyaların verilməsi barədə
Bakı/11.01.19/Turan: Cümə günü Nazirlər Kabinetinin 2018-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında prezident İlham Əliyev şəhid ailələrinə birdəfəlik müavinətlərin verilməsi məsələsinə toxunub.
2018-ci ilin yazında o, şəhid ailələrinin vərəsələrinə 11 min manat kompensasiya verilməsi barədə sərəncam imzalayıb.
Prezident deyib ki, proses başlanıb, bu günə qədər siyahıda 10 minə yaxın vərəsə var, onların hamısına 11 min manat veriləcək.
"Eyni zamanda, siyahılara baxılır, dəqiqləşdirilir və bu məsələ ilə bağlı təkliflər də irəli sürülür. Mən artıq bu barədə sözümü demişəm. Burada əlbəttə ki, sosial ədalət prinsipi əsas olmalıdır. Qanun və ədalət. Əminəm ki, biz bu istiqamətdə də istədiyimizə nail olacağıq", - İ.Əliyev vurğulayıb.
Xatırladaq ki, yüzə yaxın şəhid ailəsi neçə aydır ki, etiraz aksiyası keçirərək onlara ayrılan kompensasiyanın verilməsini tələb edir. Əmək və Əhalinin Sosial Müdafiəsi Nazirliyi bildirir ki, həmin ailələr əvvəllər bu vəsaiti alıblar. Lakin heç bir sənədli sübut təqdim olunmur.
Bundan əlavə, kompensasiyalar Qarabağ döyüşlərində həlak olmuş polis və könüllülərin ailələrinə verilmir.-06D--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz