Bakı/12.01.19/Turan: Ötən gün bir qrup avropalı diplomat 1 saylı Bakı İstintaq Təcridxanasında bloger Mehman Hüseynova baş çəkib. Bu barədə Trend agentliyi "diplomatik dairələr"ə istinadən məlumat yayıb.
Görüşdə Aİ-nin Bakı nümayəndəliyinın rəhbərinin müavini, Fransa, Hollandiya, Böyük Britaniya, Çex Respublikası və Almaniya səfirliklərinin əməkdaşları iştirak ediblər.
"Onlar yerində Mehman Hüseynovun saxlanma şəraiti və səhhəti ilə tanış olublar. Bir daha şahidi olublar ki, Mehman Hüseynovun səhhəti normaldır, saxlanma şəraiti ilə bağlı hər hansı şikayəti yoxdur, vəkili və atası ilə sərbəst görüşə bilir", - məlumatda deyilir.
Məlumata M.Hüseynovun diplomatlar ilə fotosu əlavə edilib. Xəbərdə M.Hüseynovun aclıq etməməsi ilə bağlı rəsmi mövqe bir daha bəyan edilir və bu, "vəziyyəti dramatikləşdirən" antiazərbaycançı qüvvələrin "uydurması" adlandırılır.
Aİ nümayəndəliyi və sözügedən ölkələrin səfirlikləri hələlik vəziyyəti şərh etməyiblər.
Öz növbəsində blogerin qardaşı Emin Hüseynov Mehmanın aclığı dayandırması ilə bağlı hökumətyönlü mətbuatda dərc edilmiş məktubu saxta adlandırıb. -06D-
Siyasət
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
-
Noyabrın 22-də Ermənistanın baş naziri Nikol Paşinyan İctimai TV-yə müsahibəsində Azərbaycanla sülh müqaviləsi üzrə danışıqlara toxunub.
Rəy yaz