![Bakı Qarabağla birbaşa danışıqlar təklifini rədd edir](https://turan.az/resized/750/500/resize/media/2019/main/011200016065.jpg)
Bakı Qarabağla birbaşa danışıqlar təklifini rədd edir
Bakı/12.01.19/Turan: İşğal edilmiş ərazilər azad olunmayana qədər Azərbaycan Ermənistanın təcrid olunmasını davam etdirəcək. Bunu prezident İlham Əliyev Nazirlər Kabinetinin 2018-ci ilin yekunlarına dair iclasındakı çıxışında bildirib
Qarabağ münaqişəsinin nizamlanmasına gəlincə, Bakının mövqeyi dəyişməzdir: məsələ bizim ərazi bütövlüyümüz çərçivəsində həll olunmalıdır.
"İlkin mərhələdə Ermənistanın yeni rəhbərliyi danışıqlardan boyun qaçırmaq istəyirdi. Hətta belə bir fikirlər səslənirdi ki, Azərbaycan qondarma "Dağlıq Qarabağ Respublikası" ilə danışıqlar aparmalıdır. Biz dərhal belə cəhdləri rədd etdik. Əlbəttə ki, münaqişənin həlli ilə məşğul olan vasitəçilər də belə anlaşılmaz yanaşmanı heç cür dəstəkləyə bilməzdilər və öz fikirlərini bildiriblər. Nəticə etibarilə danışıqlar prosesi bərpa edildi. Xarici işlər nazirləri artıq bir neçə dəfə görüşmüşlər və danışıqlar Ermənistan ilə Azərbaycan arasında aparılır", - dövlət başçısı bildirib.
Nizamlanma perspektivlərinə toxunan İ.Əliyev deyib ki, bu yaxınlarda Ermənistanda baş vermiş dəyişikliklər bu ölkədəki dərin böhranın nəticəsidir.
"Mən bu siyasəti heç vaxt gizlətməmişəm və müxtəlif kürsülərdən açıq bəyan etmişəm ki, biz Ermənistanı təcrid etmək üçün bütün vasitələrdən istifadə edirik və edəcəyik. O vaxta qədər ki torpaqlarımız azad olunsun", - İ.Əliyev vurğulayıb. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz