![Dövlət Departamenti: ABŞ Azərbaycanı ifadə və sərbəst toplaşmaq azadlıqlarını təmin etməyə çağırır](https://turan.az/resized/750/500/resize/media/2013/main/100700052657.jpg)
Dövlət Departamenti: ABŞ Azərbaycanı ifadə və sərbəst toplaşmaq azadlıqlarını təmin etməyə çağırır
“Biz seçki gününə qədər azad, ədalətli və şəffaf prosesin təmin olunmasına çağırmağa davam edirik. Birləşmiş Ştatlar seçki prosesində Azərbaycanda bütün insanların dinc iştirakını təşviq edir, seçki günü, bundan sonra zorakılıq və təhrikə yol verilməməsi və bunun qarşısının alınmasına çağırır. Bu sözlərlə ABŞ Dövlət Departamentinin sözçüsü Marie Harf Azərbaycan seçkilərinə münasibət bildirib
O Amerikanın Səsinin sualının cavabında deyib ki, Birləşmiş Ştatlar Azərbaycan rəsmilərini ifadə və sərbəst toplaşmaq azadlıqları kimi fundamental hüquqların təmin edilməsinə çağırır. “Biz Azərbaycanın beynəlxalq ictimaiyyət arasında başqa dostları kimi jurnalistlərə, o cümlədən bir qrup jurnalistə oktyabrın 4-də hücuma görə dərin narahatlıq keçiririk. Seçkidən sonra Birləşmiş Ştatlar seçki prosesinin qiymətləndirilməsi ilə bağlı açıqlama verəcək. Bu həftənin sonu bunun açıqlanacağını gözləyirik”, o qeyd edib.
Dövlət Departamentinin sözçüsü Marie Harf Amerikanın Səsinin müxbirinin “Azərbaycan hökuməti seçki prosesində azadlıqları təmin edirmi?”, - sualını da cavablandırıb: “Bununla bağlı bir neçə hesabatın şahidi olmuşuq. Bunlardan biri ATƏT-in bu yaxınlarda seçki prosesində insan hüquqlarının pozulması hallarının qeyd edildiyi hesabatıdır. Fikrimcə, bu hesabat seçki kampaniyası dövrü həm müsbət, həm də mənfi cəhətləri obyektiv şəkildə nümayiş etdirir. Biz rəsmiləri irəliyə doğru addım ataraq, ifadə və sərbəst toplaşmaq azadlıqlarını müdafiə etməyə çağırmağa davam edirik”, Dövlət Departamentinin sözçüsü bildirib. -03D-
-
- Cəmiyyət
- 8 Oktyabr 2013 11:09
Siyasət
-
İyulun 30-da Bakı Ağır Cinayətlər Məhkəməsində Həmkarlar İttifaqı fəalı Afiyəddin Məmmədovun işi üzrə prosesdə iki şahidin – Daxili İşlər Nazirliyinin çevik alayının əməkdaşları Mustafa İsmayılovun və Sadiq Həsənlinin ifadələri dinlənilib.
-
İran prezidentinin andiçmə mərasimində iştirak etmək üçün Tehrana gedən Azərbaycanın baş naziri Əli Əsədovu təkcə vitse-prezident Məhəmməd Rza Arif qəbul edib.
-
Bakı Ağır Cinayətlər Məhkəməsində jurnalistlərin məhkəmə proseslərinə buraxılması dayandırılıb.
-
Ermənistan və Türkiyə Axurik-Akyaka dəmir yolu sərhəd keçidinin bərpası imkalarını nəzərdən keçirəcəklər, Ermənistan Xarici İşlər Nazirliyi iki ölkənin xüsusi nümayəndələri Ruben Rubinyan və Sərdar Kılıçın sərhəddə görüşünün yekunları barədə bildirib, "Sputnik-Armeniya" məlumat yayıb.
Rəy yaz