Dövlət Departamenti ABŞ səfirini dəstəkləyib

ABŞ Dövlət Departamentinin nümayəndəsi bazar ertəsi keçirilən brifinqdə ABŞ-ın Azərbaycandakı səfiri Riçard Morninqstarın  çıxışını dəstəkləyib. Belə ki, səfir İlham Əliyev hökumətini öz vətəndaşlarının hüquqlarına hörmətlə yanaşmağa çağırıb.

Çıxış təhsil və diskussiyaların təşkili ilə məşğul olan ictimai qurumun - Azad Fikir Universitetinin bağlanmasına həsr olunub.

“Biz Azərbaycan hökumətini öz beynəlxalq öhdəliklərini yerinə yetirməyə və vətəndaşların həbs qorxusu olmadan toplaşma, ifadə azadlığı hüquqlarının təmin olunmasına çağırırıq. Bu narahatlıq səfirlik tərəfindən aydın ifadə olunub və mən bu gün bunu burada təkrar etmək istəyirəm”, - Dövlət Departamentinin fəaliyyətdə olan mətbuat katibi Patrik Ventrell bildirib.

“Səfir Morninqstar bizim universiteti və ümumilikdə vətəndaş cəmiyyətini dəstəkləməyimizi çox aydın şəkildə bəyan edib. Onun dediyi kimi, dinc etirazlara hörmətlə yanaşılması, müstəqil və şəffaf məhkəmələr, hakimiyyətin öz vətəndaşlarına, xüsusilə gənclərə qarşı münasibəti, onların qanuni problemlərinin həlli fundamental sabitliyin təminatı üzrə demokratik hökumətlərin fəaliyyətinin ən yaxşı və ən effektiv variantıdır” – o qeyd edib.   

Azərbaycan, İranla Rusiya arasında “Gülüstan” müqaviləsinin ləğvi ilə bağlı iranlı deputatların təşəbbüsünə dair sualın cavabında Ventrel bunu “qanunverici tryuk” adlandırıb. 25V-