Dövlət Departamenti: ABŞ uğursuzluqlara baxmayaraq, Qarabağda sülh üçün imkanları görür (video)
Vaşinqton/18.08.22/Turan: “Vaşinqton əvvəlkitək Ermənistanla Azərbaycan arasında uzunmüddətli hərtərəfli sülh üçün imkanları görür", - Dövlət Departamentinin nümayəndəsi çərşənbə günü gündəlik brifinqdə bildirib.
“Uğursuzluqlara baxmayaraq, biz hələ də imkanları görürük və bunun tez bir proses olmayacağını həmişə başa düşmüşük. "Mümkün olan hər şeyi etmək və Ermənistanla Azərbaycan arasında uzunmüddətli hərtərəfli sülhə kömək etmək üçün çalışırıq", - Ned Prays Qarabağda nizamlanmanın perspektivləri və ABŞ-ın rolu barədə Turan-ın müxbirinin sualına cavabında bildirib.
"İnanırıq ki, daimi dialoq, daimi qarşılıqlı fəaliyyət, o cümlədən yüksək səviyyədə bu məqsədə nail olmağa kömək edə bilərik", - o əlavə edib.
Bu yaxınlarda dövlət katibi Blinkenin həm erməni, həm də azərbaycanlı liderlərlə ünsiyyət qurmaq imkanı olub.
"Biz bu yaxınlarda Dağlıq Qarabağda baş vermiş hərbi əməliyyatlardan və bunun nəticəsində qurbanlardan dərin narahatlığımızı ifadə etdik. Onlar gərginliyin səngiməsi və gələcək eskalasiyanın qarşısının alınması üçün təcili tədbirlər görməyə çağırdılar",- o davam edib.
ABŞ hesab edir ki, bu yaxınlarda gərginliyin artması Dağlıq Qarabağ münaqişəsilə bağlı və ya ondan irəli gələn bütün digər məsələlərin razılaşdırılmış, hərtərəfli və davamlı həllinin vacibliyindən xəbər verir.
“Zorakılığa çevrilmiş gərginliyin artmasına baxmayaraq, biz uzunmüddətli və hərtərəfli münaqişənin həllinə kömək etmək üçün həm ikitərəfli əsasda, həm Avropa İttifaqındakı tərəfdaşlarla, həm də ATƏT-in Minsk Qrupu çərçivəsində tərəflərlə işləməyə davam edəcəyik”, - Prays deyib. -0-
-
- İqtisadiyyat
- 18 Avqust 2022 11:22
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz