![Açiq mənbələrdən foto.](https://turan.az/resized/media/2022/main/121700055576-750-500-resize.webp)
Açiq mənbələrdən foto.
Dövlət Departamenti Azərbaycanın Ukraynaya yardımını alqışlayır
Vaşinqton/17.12.22/Turan: Cümə günü Dövlət Departamenti Azərbaycanın Ukraynanın enerji sistemini möhkəmləndirmək üçün bu ölkəyə generator göndərməsi ilə əlaqədar Moskvanın Bakını tənqid etməsi ilə bağlı şərh verib, xəbəri Turan-ın Vaşinqtondakı müxbiri verib.
Rusiyanın TASS dövlət agentliyi cümə axşamı Rusiya XİN-ə istinadla Azərbaycanın humanitar yardım qismində Ukraynaya transformator və generator göndərməsinin "anlaşılmazlıq doğurduğunu" bildirib.
ABŞ Moskvanın çətin anda başqa ölkələrin ukraynalılara yardım etməsinə imkan verməmək cəhdini necə qiymətləndirir? Turan-ın müxbirinin bu sualına cavabda ABŞ Dövlət Departamentinin mətbuat katibinin müafini Vedant Patel bildirib ki, Vaşinqton bu yardımı ancaq alqışlaya bilər.
"Biz bundan sonra da müttəfiqlərimizin, tərəfdaşlarımızın və bütün dünya ölkələrinin Ukraynanın enerji sistemini möhkəmləndirməsinə, Rusiya tərəfindən daimi hücumlara tab gətirə bilməsi üçün daha onun etibarlı olmasını təmin etməyə kömək məqsədilə göstərdikləri dəstəyi alqışlamağa davam edəcəyik", deyə o bildirib.
Ötən həftənin şənbə günü Azərbaycan Ukraynanın zərər çəkən bölgələrinin elektrik enerjisi ilə sabit təchizatını bərpa etmək üçün Ukrayna xalqına əsas elektrik avadanlığından ibarət humanitar yardım göndərdiyini açıqlayıb.
Bu, Rusiya SQ-nin "Kiyev rejiminin hərbi ehtiyacları üçün istifadə etdiyi kritik əhəmiyyətə malik infrastrukturu məhv etdiyini" bildirən Moskvanın narazılığına səbəb olub. 0
-
- Siyasət
- 17 Dekabr 2022 11:10
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz