Açiq mənbələrdən foto.
Vaşinqton/18.05.23/Turan: Çərşənbə günü Dövlət Departamenti Azərbaycanda qanunsuz həbsinə etiraz əlaməti olaraq yüz gündür aclıq edən müxalif fəal Əlizamin Salayevin işini "diqqətlə izləməyə davam edəcəyini" bəyan edib. Xəbəri Turan-ın Vaşinqtondakı müxbiri verib.
Xalq Cənhəsi Partiyasının üzvü olan Salayev fevralda "xuliqanlığa" görə həbs edilib. O, bu iddianı qətiyyətlə təkzib edir və qeyd-şərtsiz azadlığa buraxılmasını tələb edir.
"Bizim Əlizamin Salayevin aclıq elan etdiyindən xəbərimiz var və onun işini diqqətlə izləməyə davam edəcəyik", deyə Dövlət Departamentinin rəsmi nümayəndəsinin müavini Vedant Patel Turan-ın bu işlə bağlı sualına cavabda bildirib.
"Biz əvvəlki kimi insan hüquqlarına və əsas azadlıqlarına hörmətin təşviqinə sadiqik və hakimiyyəti söhbət insan hüquqlarından getdiyi zaman Azərbaycanın öz konstitusiyasına və beynəlxalq sazişlərə uyğun addımlar atmağa çağırırıq".
Salayevin dünən, aclığın yüzüncü günündə Bakıda məhkəmə iclası zamanı huşunu itirdiyi bildirilir. Onun işi üzrə növbəti məhkəmə iclası mayın 22-nə təyin edilib. --0--
Siyasət
-
Fəal Clalə Cavadov saxlanılıb. Onunla saat 16.00-dan əlaqə kəsilib.
-
Yanvarın 31-də vəkil Elçin Sadıqovun 15 saylı cəzaçəkmə müəssisəsində xeberman.com saytının rəhbəri Polad Aslanov və bloger Rəşad Ramazanovla görüşməsinə icazə verilməyib.
-
Biz maneəsiz əlaqənin əleyhinə deyilik, lakin bu, Ermənistanın yurisdiksiyasından yayınmaqla maneəsizlik demək deyil. Bu barədə cümə günü Ermənistanın baş naziri Nikol Paşinyan mətbuat konfransında bildirib.
-
Yanvarın 31-də Tbilisi şəhər məhkəməsi Azərbaycanın Azel TV saytının təsisçisi Əfqan Sadıqovun həbs müddətini 3 ay uzadıb.
Rəy yaz