![Açiq mənbələrdən foto.](https://turan.az/resized/media/2022/main/102500053108-750-500-resize.webp)
Açiq mənbələrdən foto.
Dövlət Departamenti İranın Azərbaycanla sərhəddə keçirdiyi təlimlər barədə
Vaşinqton/25.10.22/Turan: ABŞ Qafqaz regionunu sabit görmək istəyir, bazar ertəsi Dövlət Departamentinin nümayəndəsi Ned Prays İranın Azərbaycanla sərhəddə keçirdiyi hərbi təlimlərlə bağlı Turan-ın müxbirinin sualının cavabında deyib.
“Mənim bununla bağlı konkret şərhim yoxdur. Əlbəttə, biz iki ölkə arasında gərginliyi azaltmaq üçün həm Ermənistan, həm də Azərbaycanla işlədiyimiz Qafqaz regionunda sabitlikdə maraqlı olduğumuzu açıq şəkildə ifadə etmişik”.
Ötən həftə İran İslam İnqilabı Keşikçiləri Korpusu Azərbaycanla sərhəddə irimiqyaslı hərbi təlimlər keçirib, o cümlədən iki dövlət arasında sərhədin böyük hissəsinin keçdiyi Araz çayı üzərindən keçidi işləyib hazırlayıb.
Tehranın bütün regionda getdikcə sabitliyi pozan rolu, xüsusən də Belarusa dronlar və təlimatçılar göndərməsilə bağlı Turan-ın sualına cavab olaraq Prays deyib ki, ABŞ istər İran, istərsə də Rusiya tərəfindən sanksiyaya düşəcək hərəkətlər görəcəyi təqdirdə müvafiq addımlar atacaq.
“Biz İranın Rusiya tərəfindən işğal olunmuş Ukraynada, əsasən də Krımda olması ilə bağlı ciddi narahatlığımızı ifadə etmişik və bu xəbərləri çox diqqətlə izləyirik”, - o əlavə edib. 0
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz