Açiq mənbələrdən foto.
Dövlət Departamentinin əsas məmurları Qafqaz siyasətilə bağlı Konqres qarşısında hesabat verəcəklər
Vaşinqton/12.12.22/Turan: Dövlət Departamentinin Qafqaz siyasətinə cavabdeh olan əsas məmurları bu həftə Konqresin Xarici Əlaqələr Komitəsində administrasiyanın regiona dair siyasəti üzrə dinləmələrdə çıxış edəcəklər, Turan-ın Vaşinqton müxbiri bildirib.
Dekabrın 14-də dövlət katibinin Avropa və Avrasiya məsələləri üzrə köməkçisi Karen Donfrid və Qafqaz danışıqları üzrə baş müşavir Filip Riker Avropa, energtika, ətraf mühit və kibertəhlükəsizlik üzrə alt komitənin açıq dinləmələrində çıxış etməlidirlər.
Konqresmen Bill Kitinqin (Massaçusets ştatı) sədrliyilə tədbir Komitənin saytında canlı yayımlanacaq.
Ötən ay Donfrid və Riker administrasiyanın Qafqazdakı siyasəti haqda danışmaq üçün Senatın Xarici Əlaqələr Komitəsi qarşısında çıxış ediblər.
Riker bu yaxınlarda bölgədən qayıdıb və bu, onun bu rolda ikinci səfəri olub. Donfrid də öz növbəsində ötən həftə həm Azərbaycanın, həm də Ermənistanın xarici işlər nazirlərilə danışıb. 0
Siyasət
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
-
Avropa Şurasının baş katibi Alen Berse "Azərbaycan Hava Yolları"nın təyyarəsinin Qazaxıstanda çox sayda insanın həlak olmasına səbəb olan faciəvi qəzası ilə əlaqədar başsağlığı verib və dərin kədərini ifadə edib.
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
Rəy yaz