Açiq mənbələrdən foto.
Ədliyyə Nazirliyi Demokratiya və Rifah Partiyasının dövlət qeydiyyatına alınmasından növbəti dəfə imtina edib
Bakı/29.06.22/Turan: Azərbaycan Ədliyyə Nazirliyi növbəti dəfə Demokratiya və Rifah Partiyasının dövlət qeydiyyatından imtina edərək sənədləri geri qaytarıb.
Partiyanın mətbuat xidmətindən verilən məlumata görə, Ədliyyə Nazirliyi öz qərarını qanuni nümayəndənin notarial qaydada təsdiq edilmiş imzasının olmaması ilə əsaslandırıb.
Lakin sənədlərdə qanuni nümayəndənin- partiyanın aparat rəhbəri Ellada Məmmədlinin və digər təsisçilərin imzaları olub. Bu imzalar notarial qaydada təsdiqlənib.
Qeydiyyat üçün əvvəlki müraciətdə də partiyaya oxşar cavab verilib.
Partiya bunu Ədliyyə Nazirliyinin qanuni əsas olmadan qeydiyyatdan imtina etmək istəyi kimi qiymətləndirir.
Partityanın sədri Qubad İbadoğlu bildirib ki, Azərbaycan Demokratiya və Rifah Partiyası yaranandan bəri ötən 8 aydır ki, qeydiyyat məsələsi ilə məşğuldur. İndiyə qədər bu məqsədlə Ədliyyə Nazirliyinə 2 dəfə müraciət olunub, hər müraciət orta hesabla 4 ay vaxt aparıb. Ədliyyə Nazirliyi ilk cavabda bütün iradları göstərməliydi.
Qubad İbadoğlu hesab edir ki, qeydiyyatdan imtina siyasi xarakter daşıyır və birləşmə azadlığını pozur.
Azərbaycan Demokratiya və Rifah Partiyası 2015-ci ildə yaradılmış Demokratiya və Rifah Hərəkatının əsasında 2021-ci il oktyabrın 17-də təsis edilib. Partiyaya iqtisad elmləri doktoru, professor Qubad İbadoğlu rəhbərlik edir. 06B
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz