Moskva/16.11.17/Turan: ATƏT-in Minsk Qrupunun həmsədrləri (İqor Popov-Rusiya, Stefan Viskonti -Fransa və Endrü Şafer-ABŞ) noyabrın 14-16-da Ermənistan və Azərbaycanın xarici işlər nazirləri Edvard Nalbandyan və Elmar Məmmədyarov ilə görüşüblər.
İclaslarda ATƏT-in hazırki sədrinin şəxsi nümayəndəsi Anjey Kaspşik də iştirak edib.
"Həmsədrlər nazirlərlə Azərbaycan və Ermənistan prezidentləri İlham Əliyevlə Serj Sarqsyanın 2017-ci il 16 oktyabr Cenevrə sammiti zamanı əldə etdikləri razılaşmaların reallaşması üzrə konkret addımları, həmçinin həmsədrlərin Cenevrədə qaldırdığı digər məsələləri müzakirə ediblər.
Nazirlər 2017-ci ilin dekabrında Vyanada ATƏT Nazirlər Şurası çərçivəsində birgə iclasların keçirilməsi barədə razılığa gəliblər. Həmsədrlər iclasın gündəliyini hazırlayacaqlar. Gündəliyə əsasən siyasi nizamlanma, həmçinin təmas xəttində gərginliyin azaldılması üzrə konkret tədbirlər daxil olacaq. Əsas diqqət ATƏT-in hazırki sədrinin şəxsi nümayəndəsinin aparatının fəaliyyətinin genişləndirilməsinin başa çatdırılmasına yönəldiləcək", - bəyanatda deyilir. -02D-
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz