Ekspertlər Şuşa bəyannaməsi haqda

Bakı/16.06.21/Turan: Azərbaycan ekspert cameəsi prezidentlər İlham Əliyevlə Rəcəb Tayyip Ərdoğanın Şuşa bəyannaməsini imzalamasını Azərbaycanın uğuru və ölkə tarixində yeni mərhələnin başlanğıcı kimi qiymətləndirib.

Politoloq, prezident yanında analitik xidmətin keçmiş rəhbəri Fərhad Məmmədov hesab edir ki, müharibədən sonrakı reallıq yeni cizgilər alır, Azərbaycan və Türkiyə isə rəsmi olaraq müttəfiq olublar.

Keçmiş xarici işlər naziri Tofiq Zülfüqarov bu hadisəni Amerika-Türkiyə münasibətlərinin yaxşılaşmasının sübutu kimi görür. Aydın oldu ki, Türkiyənin iştirakı olmadan Cənubi Qafqaz, Əfqanıstan və Orta Asiyada, hətta Ukraynada Qərbin təsirinin güclənməsi mümkün deyil.

"İsrailin uzunmüddətli təhlükəsizlik maraqları nəzərə alınmaqla, Qərb siyasətinin təşəbbüskar bələdçisi kimi, Türkiyənin Yaxın Şərqdə rolunun güclənməsinin faktiki olaraq alternativi yoxdur", - o hesab edir.

ABŞ əmin oldu ki, Fransa və digər Avropa ölkələri Suriya, Liviya və Cənubi Qafqazda Qərb diplomatiyasının mövqelərini möhkəmləndirə bilmirlər.

Ərdoğan Şuşaya NATO sammitindən dərhal sonra gəldi və mətbuat konfransında Ərdoğana sual verildi: “ABŞ prezidenti ilə "erməni soyqırımı" mövzusu müzakirə edilibmi? Ərdoğan cavab verib ki, bu, heç yada düşməyib.

Azərbaycanda Facebook oxucuları gələcək perspektivdə Azərbaycanla Türkiyənin birləşməsinin mümkünlüyünü müzakirə edirlər və Şuşa bəyannaməsini Azərbaycan-Türkiyə Konfederasiyasının yaradılması istiqamətində atılan ilk addım hesab edirlər. -0-