Açiq mənbələrdən foto.
Bakı/16.06.21/Turan: İyunun 15-də axşam Şuşa bəyannaməsinin imzalanması mərasimindən sonra Azərbaycan və Türkiyə prezidentləri Şuşada gəzintiyə çıxıblar. Ərdoğanın ailəsini şəhərin görməli yerləri və tarixi ilə tanış ediblər.
Gəzinti Cıdır düzündə başa çatıb. Burada at yarışları keçirilib, Türkiyə prezidentinə isə ən qədim at cinslərindən olan “Zəfər” adlı Qarabağ atı hədiyyə edilib. Həmçinin prezidentin ailəsinə “Xarı bülbül” kompozisiyası hədiyyə edilib.
Daha sonra Azərbaycan və Türkiyə musiqi kollektivlərinin iştirakı ilə konsert keçirilib. Konsert prezident İlham Əliyevin iki ölkənin hökumət nümayəndələrinin iştirakı ilə rəqs etməsilə başa çatıb.
İyunun 16-da səhər tezdən iki ölkə başçısı Şuşadan Bakıya gəlib. Gündüz Türkiyə prezidenti Azərbaycan parlamentində çıxış edəcək və gözlənildiyi kimi, Hərbi Qənimətlər Parkına gedəcək.
Axşam Əliyev və Ərdoğan Avropa Çempionatının Türkiyə-Uels futbol matçını izləyəcəklər.
Bununla Ərdoğanın Azərbaycana səfəri başa çatacaq.02D-
Siyasət
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
Rəy yaz