Açiq mənbələrdən foto.
Bakı/28.06.22/Turan: Vətəndaş və İnkişaf Partiyası (VİP) sədrinin 1-ci müavini Cahan Əliyeva Amerika Birləşmiş Ştatlarının (ABŞ) Azərbaycandakı Səfirliyinin siyasi məsələlər üzrə müşaviri Ceremi Brenner ilə görüşüb. Bu barədə VİP-in yaydığı məlumatda deyilir.
ABŞ Səfirliyində baş tutan görüşdə əsas diqqət VİP sədri Əli Əliyevin qondarma ittihamlar əsasında Yasamal Rayon Məhkəməsi tərəfindən 2022-ci il yanvarın 13-də 5 ay, 2022-ci il aprelin 15-də 1 ay və 2022-ci il iyunun 7-də 6 ay müddətinə qanunsuz olaraq azadlıqdan məhrum edilməsinə və VİP-in partiya sədrinin azadlığa buraxılması üçün hüquq müstəvisində apardığı mübarizəyə yönəlib.
Cahan Əliyeva VİP sədrinə və partiyaya qarşı təzyiqlərin Əli Əliyevin həbsindən xeyli əvvəl başladığı, onun qatıldığı prezident və parlament seçkilərində hüquqlarının kobud şəkildə pozulduğu, Azərbaycan hökumətinin 2015-ci il parlament seçkilərindən sonra şikayət ünvanlanan Avropa İnsan Haqları Məhkəməsinin Əli Əliyevin lehinə çıxardığı qərarı hələ də yerinə yetirmədiyi barədə ABŞ diplomatını məlumatlandırıb.
Görüşdə qeyd olunan mövzular ətrafında geniş fikir mübadiləsi aparıldığı bildirlir. 05D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz