Bakı/28.10.19/Turan: Dünən sosial şəbəkələrdə 30 il əvvəlki nəşr dərc edilib. Bu yazıda dövlət başçısının köməkçisi Əli Həsənov o vaxtki Azərbaycan lideri Əbdürrəhman Vəzirovun “məqsədyönlü fəaliyyətinə dərin dəstəyini” ifadə edir.
Qeyd etmək lazımdır ki, Vəzirovun bu fəaliyyəti ilk növbədə Heydər Əliyevin vaxtilə yol verdiyi nöqsanların və pozuntuların ifşasına yönəlmişdi. Aralarında Əli Həsənov da olan MDU tələbələrinin bu kollektiv məktubu ortaya çıxdıqdan sonra Həsənov nəzarəti altında olan KİV-lərə izahat vermək məcburiyyətində qalıb.
Həsənovun izahatından belə çıxır ki, 1990-cı ildən etibarən inam və həqiqətlə Heydər Əliyevə, indi isə İlham Əliyevə xidmət edir.
Vaxtilə Vəzirovun ünvanına belə bir məktubu niyə imzaladığını izah etməyən Həsənov bu cür nəşrləri siyasi rəqibləri tərəfindən yayılan “nüfuzdan salan materiallar” adlandırır.
Əli Həsənov geniş müraciətində hər şey haqqında uzun-uzun və sıxıcı şəkildə danışır, yalnız vaxtilə səhvə yol verməsindən başqa. -02D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz