Bakı/28.10.19/Turan: Bu gün ABŞ Beynəlxalq İnkişaf Agentliyinin (USAID) Azərbaycandakı Missiya Direktoru Caydev Sinqx Xudat və Qusar sakinləri ilə birgə USAID-in maliyyələşdirdiyi Sosial-İqtisadi İnkişaf Fəaliyyəti (SEDA) adlı proqram çərçivəsində icra edilmiş iki icma layihəsinin açılışında iştirak edib.
Xaçmaz rayonunun Fidanlar kəndində (Xudat qəsəbəsi yaxınlığında) yerli sakinlərin hakimiyyət nümayəndələri ilə birlikdə uşaq bağçasını təmir etməsinə yardım göstərilib. Burada 55 uşağın isti, təhlükəsiz və sağlam mühitdə yetişdirilməsi üçün şərait yaradılıb.
Qusar rayonunun Çiləgir kəndində beton su anbarının tikintisi və 770 metrlik polietilen boru kəmərinin çəkilməsi layihəsi həyata keçirilib. Yeni suvarma sistemi 280 ailənin təsərrüfatının su təminatını yaxşılaşdırmağa imkan verəcək.
“Bu layihələr icmaları yaxşılaşdırmaq üçün vətəndaşlarla yerli hökumətin bir araya gələrək nəyə nail ola biləcəklərinin nümanəsidir. Yerli həyat səviyyəsini yaxşılaşdıran bu kimi icma təşəbbüslərinə dəstək göstərmək üçün İqtisadiyyat Nazirliyi ilə əməkdaşlıq etməkdən şərəf duyuruq”, deyə USAID-in missiya direktoru Caydev Sinqx qeyd edib.
SEDA proqramları Şərq-Qərb İdarəçilik İnstitutu tərəfindən İqtisadiyyat Nazirliyi ilə əməkdaşlıq edilməklə həyata keçirilir. 2011-ci ildən 160 layihə icra edilib. Onların həyata keçirilməsi 300 min nəfərin həyat şəraitinin yaxşılaşdırılmasına şərait yaradıb.
Bu layihələr yerli iqtisadiyyata dəstək, tibb məntəqələrinin, yolların, su təchizatı və suvarma sistemlərinin, habelə məktəb binalarının təmiri ilə bağlı olub. -06D-
Siyasət
-
Litva Prezidenti Gitanas Nauseda, dekabrın 30-da, bir neçə insanın həyatını itirməsi ilə nəticələnən faciəvi təyyarə qəzası ilə bağlı Azərbaycan Prezidenti İlham Əliyevə başsağlığı verib. Telefon zəngində Nauseda, İlham Əliyevə və Azərbaycan xalqına dərin hüznlə başsağlığı verərək, yaralananların tezliklə sağalmasını arzuladığını və bu çətin dövrdə xalqımızla həmrəyliyini ifadə edib.
-
Rusiya İstintaq Komitəsinin sədri Aleksandr Bastrıkinlə Azərbaycanın baş prokuroru Kamran Əliyev arasında telefon danışığı olub. İstintaq Komitəsinin yaydığı məlumatda deyilir ki, tərəflər “Azərbaycan Hava Yolları”nin təyyarəsinin qəzaya uğramasının səbəblərinin araşdırılmasını müzakirə ediblər.
-
Qroznı aeroportunun dispetçeri dekabrın 29-da AZAL-ın təyyarəsinin raketlə vurulmasından sonra uçuşları qadağan edən “Kover” planının tətbiq olunduğunu təsdiqləyib.
-
Azərbaycan xarici işlər nazirinin müavini Yalçın Rəfiyev dekabrın 29-da Suriyaya səfəri çərçivəsində Dəməşqdə bu ərəb ölkəsinin müvəqqəti hökumətinin Xarici İşlər Nazirliyinin rəhbəri Əsəd Həsən Əl-Şibani ilə görüşüb.
Rəy yaz