Bakı/26.12.19/Turan: Prezident Administrasiyasının orqanı olan "Respublika" qəzeti dekabrın 26-da "Bumeranq" sərlövhəli redaksiya məqaləsi dərc edib. Bu məqalədə dövlət başçısının keçmiş köməkçisi Əli Həsənov kəskin tənqidə məruz qoyulub.
Geniş materialda Həsənov korrupsiyada, həmkarlarını satmaqda, ictimai rəyi manipulyasiya etməkdə, ölkənin mətbuat sahəsini məhv etməkdə ittiham olunur.
Xüsusən, o, "Azərbaycan" keçmiş dövlət nəşriyyatının obyektlərini qanunsuz özəlləşdirməkdə, qəzetlər, özəl məktəblər, ali məktəblər və telekanallar kimi şəxsi biznes imperiyasını yaratmaqda ittiham olunur.
Müəllif Həsənovun intriqa, həmkarlarını satması və digər qanunsuz əməllərinə çoxsaylı faktlar gətirir.
Müəllifin adı yazılmayıb, amma qeyd edilən faktlardan göründüyü qədər, bu, "Respublika" qəzetinin redaktoru Teymur Əhmədovdur. Müəllif qeyd edir ki, bu, nəşrin ilk hissəsidir, davamı olacaq.
Bu cür sensasiya yaradan materialın dərc olunmasının Əli Həsənov üçün ən ciddi nəticələri ola bilər və bu, onun təqibinin və qazandığı zənginlikdən məhrum edilməsinin başlanğıcına dəlalət edə bilər. Bu yaxınlarda onun oğlunun "Xəzər" telekanalının rəhbərliyindən kənarlaşdırılması dolayı yolla bunu təsdiq edir. -02B-
Siyasət
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
-
"Gürcüstanda qara bazar ertəsi: polis və xüsusi təyinatlıların qoruduqları qapıların arxasında “Gürcü Arzusunun kölələri" bizim Konstitusiyamızı məhv edir və parlamentimizi təhqir edirlər". Bazar ertəsi Gürcüstan prezidenti Salome Zurabişvili müxalifəti tanımayan yeni çağırış parlamenti belə şərh edib.
-
Gürcüstanlı tanınmış fəal Samirə Bayramovanı Yerevanda təyyarədən buraxmayıblar. O, WAW aviaşirkətinin reysilə Tbilisiyə uçurmuş, lakin pis hava şəraitinə görə təyyarə Yerevana məcburi eniş edib.
Rəy yaz