![Əli Kərimli hakimiyyətlə dialoqun şərtləri barədə](https://turan.az/resized/media/2020/main/031200024701-750-500-resize.webp)
Əli Kərimli hakimiyyətlə dialoqun şərtləri barədə
Bakı/12.03.20/Turan: Hakimiyyətlə dialoq yalnız predmetli ola bilər, konkret məsələlər müzakirə olunmalıdır. Əks təqdirdə bu, imitasiyadır. Bu barədə AXCP sədri Əli Kərimli öz Facebook səhifəsində yazıb.
O, hakimiyyəti müxalifətlə dialoq məsələsində səmimi olmamaqda günahlandırıb. AXCP liderinə heç bir ilkin izahat vermədən dialoq təklif etməklə hakimiyyət “islahat nağılına yeni nəfəs vermək” məqsədini güdüb. Hakimiyyət yalançı dialoqdan imtina edilməsindən AXCP-ni “islahatlara qarşı çıxan radikallar” kimi tənqid və təqdim etmək üçün istifadə edir.
“Biz nə qaçaraq görüşə yollandıq, nə də görüşdən imtina etdik. Hakimiyyətin dialoq təşəbbüsü ciddidirsə, dialoqun mövzusu, predmeti olmalıdır, subordinasiya qaydalarına əməl olunmalıdır”, - Ə.Kərimli qeyd edib. AXCP partiya sədrinin müavini Seymur Həzinin Prezident Administrasiyasının şöbə müdüri Ədalət Vəliyevlə aşağıdakı mövzuları müzakirə etməsini təklif edir:
1.Siyasi məhbusların azad edilməsi;
2.Sərbəst toplaşma azadlığının təmin edilməsi;
3.Seçki islahatının aparılması;
4.Yeni seçkilərin keçirilməsi;
5.Qarabağ problemi və dövlətin təhlükəsizlik məsələləri.
İlkin razılıq əldə edilidiyi halda dialoq daha yüksək səviyyədə davam edə bilər. Lakin hakimiyyət AXCP-nin təklifinin mahiyyətini təhrif edərək bunu imtina kimi təqdim edib.
Ə.Kərimli İlham Əliyevin AXCP-ni “marginallaşmış”, “dərnək tipli qruplaşma” adlandırmasına da toxunub. Əgər bu, belə olsaydı, o zaman hakimiyyət AXCP-dən qorxmazdı, onun mitinq keçirməsinə mane olmazdı, aksiyalar zamanı İnternet və mobil rabitə əlaqələrini kəsməzdi, şəhərin mərkəzinə zirehli texnika çıxarmazdı.
Ə.Kərimli qeyd edib ki, xalqın mütləq əksəriyyəti hakimiyyətə müxalifətdədir və köklü dəyişiklik istəyir.-06D-
-
- İqtisadiyyat
- 12 Mart 2020 15:26
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz