Əliyev-Olland görüşünün yekunları haqqında
Fransa prezidenti Fransua Oland Qarabağ münaqişəsində status-kvonu qəbuledilməz hesab edir.
"Biz bu barədə danışdıq və qeyd etdik ki, mövcud status-kvo qəbuledilməzdir. Risklər var, ötən ilin aprelində insident baş verdikdə biz bundan əmin olduq", deyə Olland Parisdə İlham Əliyevlə görüşləri başa çatdıqdan sonra keçirilən birgə mətbuat konfransında bildirib.
Olland Qarabağ nizamlanması üzrə danışıqların bərpası zərurətini qeyd edib. "Biz danışıqların bərpa olunmasını istəyirik. Minsk Qrupunun həmsədri kimi digər həmsədrlər - ABŞ və Rusiyanın da bu prosesə töhfə verməsini istəyirik.
Hesab edirik ki, parametrlər məlumdur və bu uzanan münaqişənin həlli yolunu tapmaq olar", deyə Olland bildirib.
Əliyev, öz növbəsində, Ollandın Qarabağ məsələsi üzrə mövqeyindən məmnunluq ifadə edib. Onun sözlərinə görə, birinci mərhələdə danışıqlar bərpa olunmalıdır. "Ermənistan danışıqlardan yayınmamalıdır. Prezident Ollandın qeyd etdiyi kimi, status-kvo qəbuledilməzdir. Minsk Qrupu ölkələrinin - Fransa, Rusiya və Amerika prezidentləri dəfələrlə bəyan ediblər ki, status-kvo qəbuledilməzdir. Biz də eyni şeyi deyirik, status-kvonun ən qısa zamanda dəyişməsini və münaqişəyə son qoyulmasını, regionumuzda sülhün təmin edilməsini, azərbaycanlı köçkünlərin doğma torpaqlarına qayıda bilməsini istəyirik", deyə Əliyev bildirib.
Olland mətbuat qarşısında çıxışında Türkiyə və bir sıra Aİ ölkələri arasında münasibətlərin gərginləşməsini də şərh edib.
"Biz Avropa və Türkiyə arasında münasibətlərin sabitləşməsinə töhfə verməliyik. Bütün digər məsələlərdə olduğu kimi, biz dialoqu təşviq etməliyik", deyə Olland qeyd edib.
O, həmçinin Azərbaycan və Avropa İttifaqı arasında danışıqların başlamasını dəstəkləyib. "Biz qarşıya qoyulmuş məqsədlərə nail olmağı arzu edirik. Avropa Şərq Tərəfdaşlığı çərçivəsində bu danışıqlara başlayıb və Fransa ilk gündən onları dəstəkləyir", deyən Olland Əliyevin Fransanın işgüzar dairələrinin nümayəndələri ilə səmərəli danışıqlarından məmnunluğunu ifadə edib. -06D-
-
- Siyasət
- 15 Mart 2017 11:44
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz