Elmar Məmmədyarov Bakının ATƏT ofisinin statusunu azaltmaq istəyini təkrar edib
Azərbaycan XİN rəhbəri ölkəsinin ATƏT-in Azərbaycan missiyasının statusunu azaltmaq istəyini təkrar edib. Bu barədə o, Vyanada ATƏT iştirakçısı olan 57 dövlətin nümayəndələri qarşısında çıxış edərkən yenidən bəyan edib.
O, təhlükəsizlik hədələrinin həlli və müxtəlif dövlətlər arasında konsensusun formalaşdırılması üçün bir platforma kimi ATƏT-ə dəstək ifadə edib. Məmmədyarov qeyd edib ki, ATƏT-in üstünlüyü onun hərtərəfli təhlükəsizlik konsepsiyasından ibarətdir. O, digər ölkələrin təhlükəsizliyinin möhkəmləndirilməsində Azərbaycanın rolunu qeyd edib.
ATƏT çərçivəsində uzanan münaqişələrin, o cümlədən Dağlıq Qarabağ münaqişəsinin geniş müzakirə olunmasına çağıran Məmmədyarov deyib: “Azərbaycan hesab edir ki, Ermənistan-Azərbaycan münaqişəsində sülhə nail olmaq üçün potensial tükənməyib”. Nazir Minsk qrupunun formatını “canlandırmağa” və “danışıqlar xatirinə deyil, daha konkret danışıqlar aparmğa çağırıb”.
ATƏT-in Azərbaycandakı fəaliyyətinə toxunan Məmmədyarov Bakının qarşıda duran prezident seçkilərinə beynəlxalq müşahidəçiləri dəvət etmək niyyəti olduğunu bildirib. Eyni zamanda, o, Azərbaycanın ATƏT-in ölkədəki statusunun azaldılmasına yenidən baxmaq istədiyini təsdiq edərək, ofisin işinin layihə koordinatoru səviyyəsinə qədər azaldıla biləcəyi ehtimalını irəli sürüb.
Qeyd edək ki, ABŞ-ın ATƏT-dəki nümayəndəsi Yan Kelli bu ideyaya qarşı çıxıb. Vaşinqton bundan əvvəl də yüksək səviyyədə bu ideyanın əleyhinə çıxış edərək, Bakının ideyasının ATƏT-də təcrid edilə biləcəyinə işarə edib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz