Elşad Abdullayev mərhum Sevinc Babayeva ilə telefon söhbətini açıqlayıb

“Azadlıq” qəzetinin saytında və İnternetdə mühacirətdə olan Beynəlxalq Universitetin keçmiş rektoru Elşad Abdullayevlə üç gün öncə İstanbulda vəfat etmiş Sevinc Babayeva  arasında növbəti telefon söhbətinin audioyazısı  yerləşdirilib.

Bundan əvvəl E.Abdullayev S.Babayevanın iştirakı ilə iki video yayımlayıb. Söhbət zamanı S.Babayeva bildirir ki, 2005-ci ildə E.Abdullayevdən 1 mln. dolların alınıb Prezident Administrasiyasının rəhbəri Ramiz Mehdiyevə verilməsində vasitəçi olub. Pulların əvəzində E.Abdullayev deputat seçilməli idi.

Bir qədər əvvəl baş tutmuş söhbət zamanı (dəqiq tarix göstərilmir) E.Abdullayev S.Babayevanı xəbərdar edir ki, yüksək vəzifəli şəxsin cinayətində şahid kimi onu öldürə bilərlər.

Söhbətin əvvəlində Abdullayev Babayeya ilə görüşməyi təklif  edir. O cavab verir ki, Abdullayevin nədən danışacağını bilir – 2005-ci ildə deputat seçilmək üçün verdiyi pulların geri qaytarılmasından. Babayeva ona bir qədər də gözləməyi təklif edir və deyir ki, Ramiz Mehdiyevin qəbuluna düşməyə hazırlaşır. Sonra Babayeva bildirir ki, Gülər Əhmədovanın da “işləri pisdir”. “Həmin gün o, daha bir adama atıb”, - Babayeva qeyd edir. Həmin adam daxili işlər nazirinin müavini Vilayət Eyvazova şikayət edib. “Vilayət Eyvazov həmin adama deyib ki, hakimiyyət bilir ki, Gülər pis adamdır”. “Amma biz nə edə bilərik, onun deputat toxunulmazlığı var”, - Babayeva nazir müavininin sözlərini təkrar edir. Sonra deyir ki, Gülər pulları Abdullayevə qaytarmaqdan imtina edir. “O deyir ki, nə istəyir eləsin, pullar onda olmayıb və ünvana çatdırılıb”.  Babayeva sonra deyib ki, Əhmədova Mehdiyevə arxalanaraq adamlardan pul alıb qaytarmayıb. Daha sonra bildirib ki, MTN-də olub və 6 saat ərzində Əhmədovanın əməlləri haqda yazıb. “Mən ərizə ilə müraciət etmişəm. Niyə daim qorxu içində yaşamalıyam? Kimsə pul alacaq, mən cavab verəcəyəm?

Abdullayev ona deyir: “Sən vəziyyətin ciddiliyini başa düşmürsən. Bu adamlar çox təhlükəlidir. Onlar pulu səndən alıblar, səni öldürəcəklər və deyəcəklər ki, özü ölüb, gedin, axtarın”. Bunun cavabında Babayeva deyir ki, bu barədə üç gün naziri bilir. “Nəyə görə məni öldürməlidirlər? Qoy, onu öldürsünlər, o adamları aldadıb, mən yox”, - Babayeva bildirib. –06D-