E.Məmmədyarov dünya birliyinə məktub ünvanladı

Azərbaycanın xarici işlər naziri Elmar Məmmədyarov Qarabağ cəbhəsindəki

hadisələrlə bağlı bir sıra dövlətlərin xarici işlər nazirlərinə və beynəlxalq qurumların rəhbərlərinə məktub ünvanlayıb. Xəbəri Xarici İşlər Nazirliyi yayıb.

Məktub ATƏT-in Minsk Qrupunun üzv dövlətlərinə, MDB ölkələri, ATƏT-in Fəaliyyətdə olan Sədri statusunda Almaniya və ATƏT sədrliyində olan  dövlətlərə, BMT, İƏT və NATO-nun Baş katiblərinə və Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Federika Mogeriniyə  ünvanlanıb.

Məktubda 2016-cı il aprelin 2-də cəbhəyanı ərazilərdə sıx məskunlaşan mülki əhalinin Ermənistan hərbçilıri tərəfindən hədəfə alınması, təmas xətti boyunca mövqeləri ağır silahlardan intensiv atəşə tutması və nəticədə bir neçə mülki şəxslər arasında tələfat olması haqda məlumat verilir.

Məktubda qeyd edilir ki, Azərbaycan ordusu özünün beynəlxalq səviyyədə tanınmış sərhədləri daxilində mülki əhalinin təhlükəsizliyinin təmin edilməsi, erməni təxribatlarının dayandırılması məqsədilə lazımı addımlar atıb. Sənəddə münaqişənin davam etməsi, gərginliyin artması səbəbi kimi Ermənistan silahlı qüvvələrinin işğal edilmiş Azərbaycan ərazilərində qeyri-qanuni mövcudluğu göstərilir.

Nazir qeyd edir ki, BMT Təhlükəsizlik Şurası uyğun qətnamələrilə BMT Dağlıq-Qarabağ regionunun Azərbaycanın ayrılmaz tərkib hissəsi olduğunu bir daha təsdiq edib və işğalçıların Azərbaycan ərazilərindən dərhal, tamamilə və qeyd-şərtsiz çıxarılmasını tələb edib.

“Ermənistan öz xalqını və beynəlxalq ictimaiyyəti aldatmağı dayandırmalı, ilhaqçı siyasətinə son qoymalı, qonşunlarını işğal edilmiş bütün Azərbaycan ərazilərindən çıxarmalı, danışıqlar prosesində konstruktiv şəkildə iştirak etməli və beynəlxalq öhdəliklərinə əməl etməldiri”, deyə məktubda qeyd olunur. -0-