![Emin İbrahimov 13 gündür təcridxanada aclıq edir](https://turan.az/resized/news/2024/MobclvihGiBmFbzJIjqtS8ZV9VddkK3fFBUjlRfA-750-500-resize.webp)
Emin İbrahimov 13 gündür təcridxanada aclıq edir
Emin İbrahimov 13 gündür təcridxanada aclıq edir
3 saylı Şüvəlan İstintaq Təcridxanasında saxlanılan keçmiş diplomat Emin İbrahimov öz həbsinə etiraz olaraq 13 gündür aclıq edir.
Avqustun 5-də vəkil Bəhruz Bayramov Emin İbrahimovla görüşüb. O Turan-a bildirib ki, yaxınları aclığı dayandırmasını xahiş ediblər. "Ancaq o dedi ki, aksiyanı sona qədər davam etdirəcək", - vəkil bildirib. Onun sözlərinə görə, İbrahimov 7 kiloqram arıqlayıb və halsızdır.
Xatırladaq ki, Emin İbrahimov iyulun 22-də saxlanılıb. Ona qarşı Azərbaycan Cinayət Məcəlləsinin 126.2.4-cü (xuliqanlıq niyyətilə sağlamlığa qəsdən ağır ziyan vurmaq) və 221-ci (xuliqanlıq) maddələrilə ittiham irəli sürülüb. Bu maddələr üzrə onu 11 ilə qədər həbs təhlükəsi gözləyir.
İyulun 24-də məhkəmə onu 4 ay müddətinə həbs edib. İbrahimov etiraz əlaməti olaraq aclıq edib. O əmindir ki, həbsinin əsl səbəbi hakimiyyəti tənqid etməsidir.
Emin İbrahimov əvvəllər Azərbaycan Xarici İşlər Nazirliyi sistemində xidmət edib. 2012-2016-cı illərdə Azərbaycanın ABŞ-dakı səfirliyinin ikinci katibi, 2016-2020-ci illərdə Uruqvayda müvəqqəti işlər vəkili olub. Sonradan hökumətin siyasətilə razılaşmadığını bildirərək diplomatik xidmətdən istefa verib və bundan sonra sosial şəbəkələrdə hakimiyyəti tənqid edib.
Siyasət
-
Keçmiş deputat və iş adamı Nazim Bəydəmirlinin həbsdə olarkən səhhəti pisləşib, bu barədə onun həyat yoldaşı bildirib.
-
İstanbul Universitetinin doktorantı, iqtisadçı Fazil Qasımov 58-ci gündür aclıq aksiyasını davam etdirir. Bu barədə “Turan”a avqustun 10-da Penitensiar xidmətin müalicə müəssisəsində onunla görüşəndən sonra yaxınları məlumat verib.
-
Avqustun 10-da Bakının Xətai Rayon Məhkəməsi “Abzas Media” işi üzrə həbs edilən jurnalist Elnarə Qasımovanın barəsində seçilmiş həbs-qətimkan tədbirinin müddətinin uzadılması ilə bağlı istintaq orqanının vəsatətini təmin edib.
-
Mərkəzi Seçki Komissiyası memar Elçin Əliyevin sentyabra təyin edilmiş parlament seçkilərində iştirak etmək üçün namizədliyini təsdiq edib. Bakının tikinti və yenidənqurma layihələrini kəskin tənqid etməsi ilə tanınan Əliyev uzun müddətdir ki, paytaxtın icra hakimiyyətini şəhərin tarixi görkəmini pozmaqda ittiham edir. O, mətbuatda tez-tez sitat gətirilən ekspert kimi Bakı şəhər rəhbərliyinin nöqsanlarını diqqətlə araşdırıb və Azərbaycanın nadir memarlıq irsini sənədləşdirib.
Rəy yaz