![Tbilisidə Əfqan Sadıqovun həbs edilməsi barədə qərardan şikayət verilib](https://turan.az/resized/news/2024/yAzrk64LMDuifpnK6mWbMdXHji93b9LhLXfehnrQ-750-500-resize.webp)
Tbilisidə Əfqan Sadıqovun həbs edilməsi barədə qərardan şikayət verilib
Tbilisidə Əfqan Sadıqovun həbs edilməsi barədə qərardan şikayət verilib
“Azel” TV-nin rəhbəri Əfqan Sadıqovun Azərbaycanın sorğusu ilə Tbilisidə həbs edilməsi qərarından apellyasiya şikayəti verilib. Bu barədə Turan-a onun xanımı Sevinc Sadıqova bildirib.
Onun sözlərinə görə, avqustun 5-də vəkil Dito Nozadze təcridxanada Əfqan Sadıqovla görüşəcək. Sadıqova bildirib ki, o, Gürcüstanda iki məktəb yaşlı qızı ilə özünü təhlükədə hiss edir. “Yaşadığım evin ətrafında şübhəli şəxslər gəzirlər. Hesab edirəm ki, burada mənim həyatıma təhlük var. Uşaqlarım isə qorxu içərisindədir. Polis Əfqanı uşaqların gözü qarşısında həbsetdi. Uşaqları evdə qoyub Əfqanın müdafiəsi üçün çalışa bilmirəm. Sabah, avqustun 6-da sığınacaq üçün bəzi səfirliklərə müraciət edəcəyəm”, - o deyib.
Gürcüstanın kriminal polisi bildirib ki, Əfqan Sadıqovu ekstradisiya məqsədilə saxlayıb, çünki hədə-qorxu ilə tələb etməyə görə Azərbaycanda axtarışa verilib.
Rights Georgia hüquq- müdafiə təşkilatı Əfqan Sadıqovun maraqlarını müdafiə etdiyini bildirib. Təşkilat Gürcüstan tərəfinin Sadıqovun sadələşdirilmiş şəkildə Azərbaycana ekstradisiyasını planlaşdırdığına şübhə ilə yanaşıb.
Azərbaycan Daxili İşlər Nazirliyi Azərbaycanın sorğusu əsasında avqustun 3-də Tbilisidə saxlanılan Əfqan Sadıqovun işini şərh etmir. Saxlanıldığı günün ertəsi məhkəmə Əfqan Sadıqovu həbs edib.
Siyasət
-
Keçmiş deputat və iş adamı Nazim Bəydəmirlinin həbsdə olarkən səhhəti pisləşib, bu barədə onun həyat yoldaşı bildirib.
-
İstanbul Universitetinin doktorantı, iqtisadçı Fazil Qasımov 58-ci gündür aclıq aksiyasını davam etdirir. Bu barədə “Turan”a avqustun 10-da Penitensiar xidmətin müalicə müəssisəsində onunla görüşəndən sonra yaxınları məlumat verib.
-
Avqustun 10-da Bakının Xətai Rayon Məhkəməsi “Abzas Media” işi üzrə həbs edilən jurnalist Elnarə Qasımovanın barəsində seçilmiş həbs-qətimkan tədbirinin müddətinin uzadılması ilə bağlı istintaq orqanının vəsatətini təmin edib.
-
Mərkəzi Seçki Komissiyası memar Elçin Əliyevin sentyabra təyin edilmiş parlament seçkilərində iştirak etmək üçün namizədliyini təsdiq edib. Bakının tikinti və yenidənqurma layihələrini kəskin tənqid etməsi ilə tanınan Əliyev uzun müddətdir ki, paytaxtın icra hakimiyyətini şəhərin tarixi görkəmini pozmaqda ittiham edir. O, mətbuatda tez-tez sitat gətirilən ekspert kimi Bakı şəhər rəhbərliyinin nöqsanlarını diqqətlə araşdırıb və Azərbaycanın nadir memarlıq irsini sənədləşdirib.
Rəy yaz