![EPDE Avropa Parlamenti və AŞPA müşahidəçilərini utandırdı](https://turan.az/resized/750/500/resize/media/2013/main/101700053870.jpg)
EPDE Avropa Parlamenti və AŞPA müşahidəçilərini utandırdı
Rusiya, Avropa İttifaqı ölkələri və “Şərq Tərəfdaşlığı” dövlətlərindən 12 QHT-ni birləşdirən Demokratik Seçkilər üzrə Avropa Platforması (EPDE) AŞPA və Avropa Parlamenti missiyalarının Azərbaycanda prezident seçkilərini qiymətləndirməsi ilə bağlı narahatlığını bildirib.
Belə ki, AŞPA və Avropa Parlamenti müşahidəçilərinin rəhbərləri – Robert Uolter (Böyük Britaniya) və Pino Aklaçii (İtaliya) seçkiləri azad, ədalətli və şəffaf adlandırıblar.
Öz növbəsində, EPDE bu qiymətləndirmənin ATƏT DTİHB missiyasının və yerli müşahidəçilərin qiymətləndirməsindən xeyli fərqləndiyini bildirir.
Xüsusən, 769 seçki məntəqəsində seçkilərin müşahidəsini aparan Seçkilərin Monitorinqi və Demokratiyanın Tədrisi Mərkəzi (SMDT) çoxsaylı və kobud pozuntular, o cümlədən eyni şəxslərin təkrar səs verməsini, bülletenlərin topa şəkildə qutulara atılmasını, seçicilərə konkret namizədə səs verməsi üçün təzyiq göstərilməsini qeydə alıb.
Öz növbəsində, ATƏT DTİHB missiyası seçki məntəqələrinin 58%-də səslərin sayılma prosesi zamanı mənfi və ya olduqca mənfi hallar qeydə alıb.
“AŞPA və AP dəfərlərlə insan hüquqlarından sui-istifadə və hədə-qorxu hallarının baş verdiyi mühiti pisləməsinə baxmayaraq, elə həmin mühitdə də seçkilərin keçirilməsi onlar tərəfindən nəzərə almaması təəccüb doğurur”, deyə bəyanatda bildirilir.
EPDE AP və AŞPA-nı Azərbaycana göndərilən müşahidəçilərin seçilməsi meyarları və onların monitorinq zamanı əsaslandıqları metodlar haqqında izahat verməyə çağırıb. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz