Bakı/24.09.23/Turan: Türkiyə prezidenti Rəcəb Tayyib Ərdoğan bazar ertəsi bir günlük işgüzar səfərlə Azərbaycanın Naxçıvan Muxtar Respublikasına səfər edəcək. Bu barədə Türkiyə Prezident Administrasiyasının Kommunikasiya şöbəsinin məlumatında deyilir.
Səfər Azərbaycan prezidenti İlham Əliyevin dəvəti ilə baş tutacaq.
Məlumata görə, liderlər ikitərəfli Türkiyə-Azərbaycan münasibətlərini müzakirə edəcəklər.
Həmçinin aktual regional və beynəlxalq problemlər, ilk növbədə Azərbaycanın Qarabağ bölgəsindəki vəziyyətlə bağlı fikir mübadiləsi aparılacaq.
İki ölkə prezidentləri İğdır-Naxçıvan qaz kəmərinin təməlinin qoyulması və modernləşdirilmiş Naxçıvan hərbi kompleksinin açılış mərasimində iştirak edəcəklər.-02В-
Siyasət
-
Azərbaycan Respublikasının Prezidenti İlham Əliyev noyabrın 17-də ABŞ Nümayəndələr Palatasının üzvü Avqust Pflügerin başçılıq etdiyi nümayəndə heyəti ilə görüşüb. Görüşdə COP29-un gündəmində olan məsələlər müzakirə edilib.
-
Bazar günü ölkə başçısı İlham Əliyev ABŞ Konqresinin üzvü Avqust Pflugerin başçılıq etdiyi nümayəndə heyətini qəbul edib.
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
Rəy yaz