Bakı/01.04.19/Turan: Türkiyənin böyük şəhərlərində bələdiyyə seçkilərində Erdoğanın tərəfdarları qalib gələ bilməyib. Erdoğanın özünün hakim Ədalət və İnkişaf Partiyasının "böyük fərqlə" qalib gəldiyi haqqında bəyanatlarına baxmayaraq, o, 2000-ci illərin əvvəllərindən etibarən ilk dəfə ölkənin paytaxtı Ankara və ən böyük şəhəri - İstanbul üzərində nəzarəti itirir.
İstanbulda səslərin sayılması davam edir, amma ilkin məlumatlara görə, Cümhuriyyət Xalq Partiyasının namizədi Ekrem İmamoğlu keçmiş baş nazir Binali Yıldırımdan 28 min səs irəlidədir.
Tvitterdə reklam haqqında məlumat və məxfilik
Ankarada müxalifətin namizədi böyük fərqlə qələbə qazanıb.
Həmçinin, İzmir, Antalya, Mersin, Tekirdağ və bir sıra digər şəhərlərdə müxalifətçilər qalib gəlib.
Bəzi müşahidəçilər keçirilmiş bələdiyyə seçkilərini Erdoğanın özünün İstanbul meri seçildiyi 1994-cü illə müqayisə oluna biləcək dönüş nöqtəsi adlandırırlar. Onun hakimiyyət yolu bu seçkilərlə başlamışdı və artıq 16 ildir baş nazir və prezident qismində hakimiyyət onun əlindədir.
Amma digər şərhçilər bütün ölkə miqyasında Ədalət və İnkişaf Partiyasının artıq 45%-ə yaxın səs çoxluğu aldığını və bələdiyyələrin əksəriyyətinə nəzarət etdiyini qeyd edirlər.
Türkiyənin cənub-şərqində bir sıra kürd rayonlarında kürdpərəst Xalq Demokratik Partiyası qalib gələrək, iki il əvvəl itirdi mövqelərini qaytarıb. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz