Kəmran Əliyev.
Erməni terrorçular barədə yeni cinayət işləri məhkəməyə göndəriləcək - baş prokuror Kamran Əliyev
Bakı/10.05.21/Turan: Qarabağda döyüşən erməni terrorçular barədə yeni cinayət işləri yekunlaşmaq üzrədir, bu barədə bazar ertəsi jurnalistlərlə söhbətində Azərbaycanın baş prokuroru Kamran Əliyev bildirib.
O xatırladıb ki, Livan vətəndaşı barədə bir cinayət işi artıq Bakı Hərbi Məhkəməsinə göndərilib. "Digər terrorçularla bağlı cinayət işi də yekunlaşmaq üzrədir", deyən Kamran Əliyev qeyd edib ki, beynəlxalq təşkilatlar ermənilərin dinc Azərbaycan əhalisinə qarşı törətdikləri cinayətlər barədə məlumatlandırılıb.
Xatırladaq ki, Azərbaycan Dövlət Təhlükəsizliyi Xidməti 1979-cu il təvəllüdlü Livan vətəndaşı Viken Eulcekcianın həmin ölkənin digər vətəndaşı Hovak Kikiyanın 2500 dollar müqabilində Azərbaycanın işğal altında olmuş ərazilərində hərbi əməliyyatlarda muzdlu kimi iştirak etmək təklifini qəbul edib.
2020-ci il sentyabrın 29-da o, mütəşəkkil qrupun tərkibində digər şəxslərlə birlikdə Ermənistan ərazisindən Azərbaycanın dövlət sərhədini keçib.
Eulcekcian və digər muzdlular Azərbaycan vətəndaşlarına və ordusuna qarşı müharibədə iştirak ediblər. Ona qarşı Azərbaycan Respublikası Cinayət Məcəlləsinin 114.3-cü (Muzdluluq), 214.2.1-ci və 214.2.3-cü (Terrorçuluq), 228.2.1-ci (Qanunsuz olaraq odlu silah, döyüş sursatı əldə etmə, saxlama, daşıma və gəzdirmə), 279.1-ci (Qanunvericiliklə nəzərdə tutulmayan silahlı birləşmələri yaratma) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə ittiham irəli sürülüb. -02D-
Siyasət
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
-
Cari ilin may ayı ərzində azad edilmiş ərazilərdə Azərbaycan Ordusunun Mühəndis Qoşunlarının hissə və bölmələrinin fəaliyyəti nəticəsində 254 hektardan çox ərazi minalardan tam təmizlənib, bu barədə mayın 18-də Azərbaycan Müdafiə Nazirliyinin mətbuat xidməti məlumat yayıb.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Audio xəbər
Xəbər lenti
-
- Siyasət,
- 13:57
- 305
Rəy yaz