Ermənilərin ağrılı demarkasiyası

Bakı/24.12.20/Turan:  Ermənistan-Azərbaycan sərhəddinin davam edən demarkasiyası erməni cəmiyyətində gərginliyin artmasına səbəb olur. Bunun səbəbi 25 ildir ki, Azərbaycan torpaqlarının işğalını legitimləşdirmək istəyən bu ölkənin işğalçı siyasətidir.

Atəşkəs bağlandıqdan sonra noyabrın 10-da ermənilər Zəngilanın torpaqlarını geri qaytarmalı oldular, nəticədə Qafan şəhəri Azərbaycan Silahlı Qüvvələrinin ovcuna düşdü.

Oxşar vəziyyət indi Qubadlı rayonu ilə sərhəddə baş verir. Burada sərhəd Ermənistan tərəfindən bir sıra kəndlərdən və yollardan keçir. Bunun səbəbi belədir: ermənilər torpağı zəbt edərək istifadə etməyiblər, infrastruktur qurmayıblar.

İndi ödəşməyin və özgəsinin malını geri qaytarmağın  vaxt gəldi. Belə ki, 21 km. avtomobil yolu faktiki sərhəddə  qalıb, bir tərəfdə Azərbaycan, digər tərəfdə isə erməni hərbçilər dayanıblar. İnsidentlərin qarşısını almaq üçün rusiyalı sərhədçilər iştirak edirlər.

Kəndlərə gəlincə, Şurnux kəndində azərbaycanlı hərbçilər ermənilərin 12 ev tikdikləri ərazini tələb edirlər. Bu, Gorus-Qafan yolunun şərq tərəfindədir. Azərbaycan hərbçiləri, Rusiya sərhədçiləri və Ermənistan Təhlükəsizlik Xidmətinin nümayəndəsi vəziyyəti yerindəcə müzakirə ediblər. Eyni problemin olduğu başqa bir kənd də var, lakin kiçik miqyaslıdır. Bu, Vorotan kəndidir. Hər iki kənd Ermənistanın Sünik vilayətindədir.

Ermənistan müxalifəti baş verənləri başqa əraziləri də Azərbaycana "təhvil vermək" niyyətində olan Paşinyan hökumətinin növbəti xəyanəti kimi qiymətləndirir.-02D-