Ermənilərin Bərdəni atəşə tutması nəticəsində ölən dinc sakinlərin sayı 4 nəfər çatıb. (YENİLƏNİB)

Baş Prokurorluqdan verilən məlumata görə, erməni silahlı qüvvələri tərəfindən saat 16 radələrində Bərdə rayonunun Qarayusifli kəndinin müxtəlif istiqamətlərdən ağır artilleriyadan atəşə tutulması nəticəsində dinc sakinlər Cəfərova Ofeliya Məcid qızı, Əhmədova Aybəniz Əşrəf qızı, İsmayılov Ehtiram Xəlil oğlu və 2013-cü il təvəllüdlü İsgəndərova Aysu Rövşən qızı həlak olub, 7 nəfər isə xəsarət alıb.

*   *   *

2020 Oktyab 27 (Çərşənbə axşamı) 18:59:54

Ermənilər Tərtər, Goranboy və Bərdəni kütləvi atəşə tutmağa başlayıblar

Bakı/27.10.20/Turan: Çərşənbə axşamı saat 17:30 radələrində erməni qüvvələri Azərbaycanın üç rayonunu artilleriya və raket atəşinə tutmağa başlayıb. Müdafiə Nazirliyinin mətbuat xidmətinin məlumatına görə, Goranboy, Bərdə və Tərtər rayonları atəşə tutulur.

TURAN-ın müxbirinin Bərdədən verdiyi məlumata görə, Bərdəyə raket düşməsi nəticəsində üç dinc sakin həlak olub, 10-a yaxın adam yaralanıb.-02D-