Ermənilərin “Qaraqaya” yüksəkliyini ələ keçirmələri haqqında yaydıqları xəbər yalan məlumatdır

Bakı/16.07.20/Turan: İyulun 13-dən etibarən müxtəlif erməni mənbələri döyüşlər zamanı Tavuş və Tovuz rayonlarının sərhədində mühüm yüksəkliyi (ermənilərin versiyasına görə “Qaradaş”) ələ keçirdikləri haqqında məlumat yayırlar. Ermənilərin iddialarına görə, bu, onlara 15-20 kilometr dərinlikdə Azərbaycan ərazilərinə nəzarət etmək imkanı verir. Bu zaman Ermənistan tərəfi bu məlumatları təsdiq etmək məqsədilə bir neçə fotoşəkil də təqdim edib.

Amma ayın 13-dən sonra düşmən hələ də bəyanatlardan başqa heç bir inandırıcı dəlil təqdim etməyib.

Öz növbəsində, Azərbaycanın hərbi mənbələri bildirirlər ki, içərisində Azərbaycan hərbiçiləri olan UAZ avtomobilinə atəş açılması məhz “Qaraqaya” yüksəkliyi yaxınlığında baş verib. Həmçinin, Ermənistan tərəfdən heç bir xəbərdarlıq atəşi açılmadığı, atəşin qəsdən açıldığı, bunun da gərginliyin artmasına səbəb olduğu bildirilir.

Görülmüş tədbirlər nəticəsində son bir gün ərzində mövqelər qaytarılıb, ermənilərin “nailiyyətləri” isə heçə endirilib. Bu, baha başa gəlib, amma ermənilərin strateji yüksəkliyi ələ keçirmək məqsədinin qarşısı alınıb.

Yüksəkliyi əllərində saxlaya bilməyən ermənilər bunu onlarla dronu vurmaqla, tankı  sıradan çıxrmaq, yüksəkliyə 100 xüsusi təyinatlı hərbiçinin uğursuz hücumu ilə və digər “nailiyyətlərlər” haqqda yanlış məlumat verməklə,  kompensasiya edilər.

Yerevanın KTMT-ni münaqişəyə cəlb etmək cəhdi də uğursuzluğa düçar olub. Diplomatik mənbənin məlumatına görə, vəziyyətin təhlili heç bir diversiya və Ermənistan tərəfə keçmə hadisəsinin olmadığını, bunun əksini təsdiq edib. Məhz buna görə Yerevanın xahişi ilə KTMT-nin iclası keçirilməyib.

Qeyd edək ki, erməni sosial şəbəkələrindəki nəşrlərə əsasən, Azərbaycanın Tovuz və Qazax rayonları ilə sərhəddə yüksəkliklərin ələ keçirilməsi zərurəti hərbi ekspertlər tərəfindən müzakirə olunurdu və sərhəd bölgəsində yerləşən kəndlərin müdafiəsi üçün həyati zərurət adlandırılırdı. Bu, dolayı yolla Ermənistan Müdafiə Nazirliyinin belə bir əməliyyat hazırladığını təsdiq edir.

Bir sıra erməni KİV-lərinin məlumatına görə, iyulun 14-də Ermənistan hökumətinin iclasında “mübahisə” baş verib, baş nazir Paşinyan içərisində Azərbaycanlı hərbiçilərin olduğu UAZ-a atəş açılması zərurəti ilə bağlı şübhəsini ifadə edib.

Bu, Tonoyanın hökumət başçısının göstərişlərinə zidd hərəkət etdiyini göstərir, yoxsa hücuma Paşinyan icazə verib, - bunu zaman göstərəcək. -02B-