![Açiq mənbələrdən foto.](https://turan.az/resized/750/500/resize/media/2023/main/090500066236.webp)
Açiq mənbələrdən foto.
Ermənistan-Azərbaycan sərhədindəki insident Aİ missiyasının səmərəsiz olduğunu göstərib - RF XİN
Bakı/05.09.23/Turan: Sentyabrın 1-də Ermənistan-Azərbaycan sərhədində erməni hərbiçilərin həlak olması ilə nəticələnən insident Avropa İttifaqının Ermənistandakı missiyasının səmərəsiz olduğunu bir daha sübut edir. Bu barədə çərşənbə axşamı RF XİN-in rəsmi nümayəndəsi Mariya Zaxarova Moskvada keçirilən brifinqdə bildirib.
"Sotk kəndində erməni hərbiçilərin ölümü ilə əlaqədar başsağlığı veririk və tərəfləri gərginliyə, xüsusən də insan tələfatına gətirib çıxaran hərəkətlərdən çəkinməyə çağırırıq. Bu faciəvi hadisə bir daha Avropa İttifaqının Ermənistandakı missiyasının səmərəliliyinin az olduğunu təsdiq edib", deyə o bildirib.
Zaxarovanın sözlərinə görə, RF Rusiyanın yardımı ilə Ermənistan-Azərbaycan sərhədinin delimitasiyası və demarkasiyası üzrə müntəzəm işin etimadın möhkəmləndirilməsi tədbirləri ilə eyni zamanda aparılmasını vacib hesab edir.
"Həmçinin, sərhəd zonasına KTMT missiyasının yerləşdirilməsinin tərəfdarıyıq. Burada top Yerevandadır. Təşkilatın üzvü olan bütün digər ölkələr buna hazır olduqlarını bildiriblər", deyə diplomat qeyd edib. 0
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz