president.az
Bakı/16.10.20/Turan: İran, Gürcüstan və Rusiya rəsmi olaraq Ermənistana silah göndərmir, bu barədə prezident İlham Əliyev Türkiyənin A Haber telekanalına müsahibəsində bildirib.
“İrandan Ermənistana silah göndərildiyi haqqında məlumatımız yoxdur. İran və Gürcüstan Ermənistana hərbi daşımalar üçün hava məkanını və quru sərhədlərini bağlayıb. Bizdə olan məlumata görə, Ermənistana qaçaqmalçılıq yolu ilə, humanitar yük adı altında mülki təyyarələr və yük təyyarələri ilə silah daşınır”, deyə Əliyev bildirib.
Qeyd edək ki, sosial şəbəkələrdə şimali İran ərazisindən keçən Rusiya zirehli texnikası daşıyan dəmiryolu qatarları haqqında videokadrlar geniş yayılır. Qeyri-rəsmi məlumatlara görə, bu texnika Ermənistan üçün nəzərdə tutula bilər.
Bundan başqa, Türkiyə ABŞ-dan Ermənistana humanitar yük daşıyan təyyarələr üçün öz hava məkanını bağlayıb. Bunun səbəbi mülki reyslərlə Ermənistana silah daşınması haqqında məlumatlardır. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz