Ermənistan Laçın dəhlizini hərbi məqsədlər üçün istifadə edir - XİN

Bakı/25.10.22/Turan:  Oktyabrın 25-də Azərbaycan Xarici İşlər Nazirliyi bəyanat yayaraq dünya birliyini Ermənistanın öz beynəlxalq öhdəliklərini yerinə yetirməsi üçün ona təzyiq göstərməyə çağırıb.

Bəyanatda deyilir ki, Ermənistan 10 noyabr 2020-ci il tarixli üçtərəfli bəyanatı pozaraq “Azərbaycan ərazisində qanunsuz hərbi fəaliyyətini” davam etdirir.

Ermənistan öz hərbi qüvvələrini Azərbaycan ərazisindən nəinki çıxarmır, Azərbaycan ərazilərində böyük sayda piyada əleyhinə minalar yerləşdirməkdə davam edir. Bu, təkcə keçmiş təmas xətti boyunca deyil, digər ərazilərdə də adamların  minaya düşməsi hallarının artmasına səbəb olur.

Son 30 il ərzində minalardan zərər çəkənlər 3345 nəfərdir, o cümlədən 38 qadın, 357 uşaqdır.

olubtəşkil etməklə, 2020-ci il Vətən müharibəsinin başa çatmasından etibarən bu günədək 266 vətəndaşımız mina partlayışından zərər çəkib, onlardan 3 nəfər jurnalist daxil 45 nəfər həlak olub.

2020-ci il 10 noyabrdan sonra 266 Azərbaycan vətəndaşı minaya düşüb, onlardan 45-i, o cümlədən üç jurnalist həlak olub.

Bu ilin avqust ayından başlayaraq, erməni əhali Laçın rayonunu tərk etdikdən sonra orada 2021-ci ildə Ermənistanda istehsal olunmuş 1400-dən çox E-001M piyada əleyhinə mina aşkar edilib.

Bundan əlavə, Zabux və Sus kəndlərində evlərin və həyətyanı sahələrin astanalarına mina tələləri qoyulub.

Müharibə başa çatdıqdan sonra Ermənistandan Azərbaycana piyada əleyhinə minaların gətirilməsi ermənilərin Laçın dəhlizindən qanunsuz hərbi fəaliyyət üçün istifadə etdiyini bir daha nümayiş etdirir. Baxmayaraq ki, üçtərəfli bəyanatın 6-cı bəndinə əsasən, Laçın dəhlizindən vətəndaşların, nəqliyyat vasitələrinin keçidi və mülki yüklərin daşınması üçün istifadə olunmalıdır.

Azərbaycan Xarici İşlər Nazirliyi onu da diqqətə çatdırır ki, sentyabrın 12-13-də Ermənistan Silahlı Qüvvələrinin bölmələri tərəfindən törədilən genişmiqyaslı təxribatın səbəbi ermənilərin Azərbaycan Silahlı Qüvvələrinin mövqeləri arasında təminat yollarını minalamaq cəhdi olub.

Ermənistanın təqdim etdiyi mina sahələrinin xəritələrinin etibarlılığı cəmi 25 faizdir. Eyni zamanda, son mina partlayışlarının 55 faizi bu xəritələrdən kənar ərazilərdə baş verib.

“Bu, bir daha göstərir ki, erməni tərəfi məqsədyönlü şəkildə Azərbaycana qarşı hərbi təhdidləri davam etdirir ki, bu da hərbi cinayətidir, beynəlxalq humanitar hüququn ciddi pozulmasıdırntusudur”, - bəyanatda qeyd olunur.

Azərbaycan tərəfi dəfələrlə bu təhdidlərin aradan qaldırılması istiqamətində səylərin səfərbər edilməsinə və minatəmizləmə işlərinə yardım göstərilməsinə çağırıb.

Rəsmi Bakı dünya birliyini Ermənistanın üçtərəfli bəyanatın şərtlərini və beynəlxalq hüquq çərçivəsində götürdüyü öhdəlikləri yerinə yetirməsi, Azərbaycanın suverenliyi və ərazi bütövlüyünə qarşı addımları dayandırması, bütün silahlı qüvvələri Azərbaycan ərazisindən çıxarması, mina fəaliyyətinə son qoyması və dəqiq mina xəritələrini təqdim etməsi üçün ona təzyiq göstərməyə çağırır.

“Bu addımlar bölgədə sülh və əmin-amanlığın təmin edilməsinə töhfə verəcək”,- Azərbaycan Xarici İşlər Nazirliyinin bəyanatında deyilir. 06В