Ermənistan müxalifəti Rusiyadan üz çevirir?

Bakı/27.01.21/Turan: "Bizi Rusiya ilə birləşdirən ən böyük bənd Arsax məsələsi idi. Arsax yoxdur, Rusiya yoxdur və Qafqaz tamamilə Türkiyənin sahibliyinə keçir". Bu, Ermənistan müxalifətinin lideri Vazgen Manukyanın yanvarın 26-da Ararat vilayətinin sakinləri qarşısındakı çıxışından sitatdır.

"Azərbaycan və Türkiyə ilə gizli danışıqlar aparılır. Nikol yalan danışır ki, deyir ki, müharibəni məhz o dayandırıb, onu buna Rusiya məcbur edib. Çünki əgər biz Arsaxlı tamamilə itirsəydik, RF-nin burada heç bir işi olmazdı. Moskva burada sülhməramlı qoşunları yerləşdirə bilməzdi və Cənubi Qafqazı itirərdi", - deyə o bildirib.

O, yolların açılması mövzusuna da toxunub. "Deyirlər ki, yolları açaq və ondan istifadə edəcəyik. Yalan danışırlar, bu yollardan ancaq Türkiyə və Azərbaycan istifadə edəcəklər

Dünən Gürcüstanda azərbaycanlılar erməni yük maşınlarına hücum ediblər. Əgər Gürcüstan ərazisində biz azərbaycanlılardan xilas ola bilmiriksə, Azərbaycan ərazisindən yükləri, yaxud insanları necə daşıyacağıq? Məqsəd birdir-Naxcıvana yol açmaq", - Manukyan bildirib.

Qeyd edək ki, əvvəlcə Manukyanın çıxışının bu hissəsi Ermənistan KİV-də ya dərc edilməyib, ya da yalnız erməni dilində verilib.

Artıq yanvarın 27-də Manukyanın sözlərinin erməni versiyası da erməni saytlarından yoxa çıxıb.-02D-