![Ermənistan nümayəndəsi KTMT sədri olmadı](https://turan.az/resized/media/2016/main/101500171794-750-500-resize.webp)
Ermənistan nümayəndəsi KTMT sədri olmadı
Cümə günü Yerevanda Kollektiv Təhlükəsizlik Müqaviləsi Təşkilatının (KTMT) sammiti keçirilib.
İclasda əsas məsələlərdən biri təşkilatın baş katibinin təyin edilməsi haqqında qərarın qəbul edilməsi idi. Rotasiya qaydasına əsasən, baş katib Ermənistan nümayəndəsi olmalı idi.
Bundan başqa, KTMT dövlət başçıları Qarabağ münaqişəsi ilə bağlı bəyanat qəbul etməli idilər.
Rusiya prezidentinin köməkçisi Yuri Uşakov dünən bildirib ki, imzalanmaq üçün ümumilikdə 24 sənəd hazırlanır.
Amma görüşün yekunlarına görə Ermənistan prezidenti bildirib ki, Baş Katibin təyin edilməsi məsələsi iclasın gündəliyindən çıxarılıb və dövlət başçıları bu məsələyə ilin sonunda qayıdacaqlar.
O, Ermənistan nümayəndəsinin təyin edilməməsinin səbəbini izah etməyib.
Ermənistan KİV-in məlumatına görə, Yerevan keçmiş müdafiə naziri Seyran Ohanyanı, daha sonra isə baş qərargah rəisi Yuri Xaçaturovu irəli sürməyi planlaşdırırdı.
Bununla belə, Serj Sarkisyan hələ bir ay əvvəl yaxın ətrafına bildirib ki, çox güman ki, rotasiya olmayacaq və bu, hətta Ermənistanın işinə gəlir. Ermənistan KİV-in məlumatına görə, prezident qeyd edib ki, Rusiyadan olan baş katib Ermənistanın maraqlarına cavab verir.
Qarabağla bağlı gözlənilən bəyanata gəlincə, görüş iştirakçıları yalnız Vyana və Sankt-Peterburqda əldə olunmuş münaqişə zonasında gərginliyin aradan qaldırılması üzrə razılaşmalara sadiq olduqlarını təsdiq etməklə kifayətləniblər. -02D-
-
- Cəmiyyət
- 14 Oktyabr 2016 20:50
-
- İqtisadiyyat
- 15 Oktyabr 2016 11:28
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz