Jeyhun Bayramov
Bakı/09.08.22/Turan: Ermənistan Zəngəzur dəhlizi ilə bağlı razılaşmanın icrasını ləngidir, bu barədə bu gün Azərbaycan XİN başçısı Ceyhun Bayramov bir sıra Türkiyə KİV-lərinə müsahibəsində bildirib.
O qeyd edib ki, Azərbaycan istənilən halda Naxçıvan Muxtar Respublikası ilə nəqliyyat əlaqələri quracaq.
"Artıq Araz çayı üzərindən birinci körpünün inşasına başlanıb. Yəni bizim Naxçıvanla nəqliyyat əlaqəsi üçün alternativimiz var (İrandan keçməklə - Turan-ın qeydi)", deyə Bayramov qeyd edib.
O vurğulayıb ki, Azərbaycan mütləq NMR-də kommunikasiyalar yaradacaq. "Sadəcə olaraq Ermənistana regional əməkdaşlıqdan kənarda qalmaması üçün şans verilib. Yerevan doğru qərar qəbul etməsə, ən böyük ziyan onların özünə dəyəcək", deyə Azərbaycanlı nazir qeyd edib.
Onun sözlərinə görə, Ermənistan həmçinin sülh müqaviləsinin hazırlanması üzrə işçi qrup yaratmaqdan yayınır.
2022-ci ilin əvvəllərində Azərbaycan Ermənistanla gələcək sülh müqaviləsinin əsas prinsiplərini irəli sürüb.
Onlar Ermənistana göndərilib.
"Bu sənədin bütün maddələri beynəlxalq hüquqa, dövlətlərin ərazi bütövlüyünə uyğundur", deyə Bayramov qeyd edib.
Amma Ermənistan sözdə bu prinsipləri qəbul edir, təcrübədə isə məsələni hər yolla ləngidir, sülh müqaviləsi üzrə işçi qrup yaratmaqdan yayınır.
"Biz öz öhdəliklərimizə sadiqik, qarşı tərəfdən də bunu gözləyirik", deyə Bayramov bildirib.
Azərbaycanın mövqeyi Rusiya və Aİ-nin vasitəçiliyi ilə əldə edilmiş razılaşmaları tam həyata keçirməkdən ibarətdir.
Nazir qeyd edib ki, Azərbaycan Ermənistan qoşunlarının Rusiya sülhməramlılarının məsuliyyət zonasındakı ərazilərdən tamamilə çıxarılmasında israr edir.
Nazir xatırladıb ki, Azərbaycan, Ermənistan və RF liderlərinin Birgə Bəyanatının 4-cü bəndinə əsasən, Ermənistan silahlı birləşmələri Rusiya sülhməramlı kontingentinin yerləşdirilməsinə paralel olaraq çıxarılmalı idi.
"Azərbaycan bu bəndin yerinə yetirilməsində israr edir. Biz Ermənistandan bunu tələb edirik", deyə Azərbaycan XİN başçısı qeyd edib.-06В-
Siyasət
-
Avropa Parlamentinin İnsan Haqları Alt Komitəsi cümə axşamı genişləndirilmiş iclasında “Azərbaycanda müstəqil mediaya və vətəndaş cəmiyyətinə basqılar” mövzusunda müzakirə keçirib. İclasda Saxarov Düşüncə Mükafatının finalçısı Dr. Qubad İbadoğlunun nümayəndəsi, hüquqşünas Jalə Bayramova, jurnalist Arzu Qeybullayeva və Avropa Şərq Tərəfdaşlığı Vətəndaş Cəmiyyəti Forumunun təmsilçisi Aleksandros Sabou çıxış ediblər.
-
ATƏT ölkələrinin Xarici İşlər Nazirləri Şurasının Maltada keçirilən iclası çərçivəsində bu gün ABŞ-ın dövlət katibi Antoni Blinken Azərbaycan, Belarus, Qırğızıstan, Rusiya və Ukrayna vətəndaş cəmiyyəti nümayəndələri ilə görüşüb.
-
Avropa Parlamentinin İnsan Hüquqları Alt Komitəsinin sədri Munir Satouri, hazırda ev dustaqlığında olan professor Qubad İbadoğlunun Strasburqda keçiriləcək Saxarov mükafatının təqdimetmə mərasimində iştirak etməsi üçün Azərbaycandan onun ölkədən çıxış qadağasının ləğvinə çağırıb.
-
Əlahiddə Ümumqoşun Ordusu (Naxçıvan Muxtar Respublikasında yerləşir) komanda-qərargah təlimləri keçirib.
Rəy yaz