Samir Ashurov
Samir Aşurovun cinayət işi məhkəməyə göndərilib
Bakı/09.08.22/Turan: Nizami rayon polis idarəsində Almaniyadan deport olunmuş fəal Samir Aşurovun cinayət işi üzrə ibtidai istintaq başa çatıb. Aşurov qəsdən sağlamlığa ağır zərər vurmaqda və xuliqanlıqda ittiham olunur. İş materialları baxılması üçün Bakı Ağır Cinayətlər Məhkəməsinə göndərilib.
İş Məhəmməd Əkbərovun sədrlik etdiyi məhkəmə heyətinin icraatına verilib. Məhkəmənin hazırlıq iclası avqustun 19-na təyin edilib.
* Samir Aşurov bu il martın 29-da Almaniyadan sürgün edilib, 20 gün sonra isə Bakıda polis tərəfindən saxlanılıb. O, Elşən Nəbiyev adlı şəxsə bıçaq xəsarəti yetirməkdə ittiham olunub (CM-in 126.2.4-cü maddəsi - xuliqanlıq niyyətilə qəsdən sağlamlığa ağır ziyan vurma). O, 6 ildən 11 ilədək azadlıqdan məhrum edilə bilər.
İyulun 21-də Aşurova qarşı Cinayət Məcəlləsinin daha bir maddəsi - 221.3 (silahdan və ya silah qismində istifadə olunan əşyalardan istifadə edilməklə xuliqanlıq törətmək) ilə ittiham irəli sürülüb.
Hüquq müdafiəçiləri Samir Aşurovu "siyasi məhbus" kimi tanıyıblar. 30В06
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz