Ermənistan prezidentliyinə namizəd Paruyr Ayrikyana qarşı sui-qəsd
Yerevan/02.01.13/Turan-ArmInfo: Fevralın 1-nə keçən gecə Ermənistan prezidentliyinə namizəd, Milli Özünütəyinetmə Birliyinin sədri Paruyr Ayrikyana sui-qəsd olub.
Cinayət Yerevanın mərkəzində baş verib. Naməlum adamlar Ayrikyana odlu silahdan atəş açıblar və o, çiynindən yaralanaraq xəstəxanaya aparılıb. Həkimlərin sözlərinə görə, vəziyyəti orta ağırlıqdadır, reanimasiya şöbəsinə yerləşdirilib. Ayrikyanın həyatına təhlükə yoxdur, durumu sabitdir və cərrahiyyə əməliyyatına ehtiyac yoxdur.
Ayrikyana sui-qəsd siyasi məqsəd daşıyır. Bunu Ermənistan Prezident Administrasiyasının rəhbəri Vigen Sarkisyan xəstəxanada ona baş çəkdikdən sonra deyib. Bununla yanaşı o, Ayrikyanın təmkinli olduğunu qeyd edib.
Bu gün Ayrikyan döş qəfəsinin sağ hissəsinin yuxarı hissəsindəki gülləni çıxarmaq məqsədilə əməliyyat olunacaq.
Ermənistanın səhiyyə naziri Derenik Dumanyan jurnalistlərə bildirib ki, Ayrikyanın vəziyyəti orta ağırlıq kimi dəyərləndirilir, həyatına təhlükə yoxdur, çünki həyat üçün mühüm orqanları zədələnməyib. Hətta Ayrikyan ona baş çəkənlərlə danışa bilir.
Polis Ermənistan CM-in 34-305 maddəsi ilə (dövlət, siyasi və ya ictimai xadimin həyatına sui-qəsd) cinayət işi qaldırıb. Polis və Milli Təhlükəsizlik Xidmətinin nümayəndələrinin iştirakı ilə operativ istintaq qrupu yaradılıb.
Ayrikyan qərbyönlü oriyentasiyanın tərəfdarı, Rusiya ilə yaxınlaşmanın əleyhdarıdır. Hələ sovet dövründə o, antisovet təbliğatına görə həbs olunmuşdu və bir neçə il həbsdə olub. Hələlik erməni ekspertlər hər hansı fərziyyə irəli sürmürlər, lakin sui-qəsdin arxasında Ermənistanda vəziyyəti gərginləşdirmək istəyən qüvvələr dayana bilər. 18 fevral prezident seçkiləri ərəfəsində bu, Kremlin himayəsindən çıxmaq istədiyini gizlətməyən prezident Serj Sarkisyana xəbərdarlıq ol bilər. Odur ki, sui-qəsdin arxasında şimal qonşunun agenturasının dayandığını istisna etmək olmaz. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz