Açiq mənbələrdən foto.
Ermənistan SQ-nin iki hərbiçisinin işi üzrə məhkəmə prosesi başlayıb
Bakı/03.07.23/Turan: Bu gün Sumqayıt Ağır Cinayətlər Məhkəməsində Azərbaycan dövlət sərhədini pozmaqda və digər ağır cinayətlərdə ittiham olunan Ermənistan silahlı qüvvələrinin hərbi qulluqçuları - Ovagimyan Arutyan Yurikoviç və Kazaryan Karen Aşotoviçin cinayət işi üzrə hazırlıq iclası keçirilib.
İclasda təqsirləndirilən şəxslərin anket məlumatları yoxlanılıb, bu məlumatlara əsasən, Ovagimyan 1989-cu ildə Ermənistanda doğulub və Goris rayonundakı hərbi hissədə serjant rütbəsində müddətsiz hərbi xidmət keçib.
2004-cü il təvəllüdlü Kazaryan müddətli əsgər idi və o da Gorusda hərbi xidmət keçirdi.
Hazırlıq iclasının yekunlarına görə məhkəmə işi icraata qəbul edib və mahiyyəti üzrə dinləmələri iyunun 5-nə təyin edib.
Mayın 26-da Azərbaycanın Sərhəd Xidməti Ermənistan tərəfdən diversiya qrupunun sərhədi keçmək cəhdi və iki erməni hərbi qulluqçusunun saxlanıldığıı haqqında məlumat yayıb.
Ovagimyan və Kazaryan barəsində Azərbaycan CM-in 206.3.2 (qabaqcadan əlbir olan bir qrup şəxs tərəfindən odlu silah və döyüş sursatının qaçaqmalçılığı), 214.2.1, 214.2.3 (terrorçuluq, qabaqcadan əlbir olan bir qrup şəxs tərəfindən odlu silahdan istifadə etməklə törədildikdə), 228.2.1 (qabaqcadan əlbir olan bir qrup şəxs tərəfindən qanunsuz olaraq odlu silah əldə etmə, daşıma, saxlama), 283.2.1 (zor tətbiq etməklə milli düşmənçiliyin salınmasına aşkar surətdə yönələn hərəkətlər etmə) və 318.2-ci (qabaqcadan əlbir olan bir qrup şəxs tərəfindən zor tətbiq etməklə Azərbaycanın dövlət sərhədini qanunsuz olaraq keçmə) maddələri ilə cinayət işi açılıb, deyə Azərbaycan Baş Prokurorluğunun və Dövlət Sərhəd Xidmətinin birgə məlumatında bildirilirdi. 1606B
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz